مشكلة كبيرة......... العصبية

السلام عليكم ورحمة الله وبركاته
انا شوفت ان في ناس كتير تعد تقول انا عصبي او انا عصبية ومش عارف اعمل ايه وانا واحدة من الناس دي عشان كده قولت عايزة ارائكم يعني نعمل ايه في المشكلة دي ؟
وياترى ليها حل ؟ ولاه لا؟
وايه هو الحل اذا كان ليها حل؟ وفي حد مر بتجربة عن العصبية؟
يعني كان عصبي واتخلص من المشكلة دي ؟
وممكن العصبية تخسرك صديق او اخ او اخت او قريب او اي حاجة ؟
وكده يعني كل حاجة عن العصبية وايامها معانا

السلام عليكم و رحمة الله و بركاتة

العصبية انا عن نفسى بحس انة حاجة خارج السيطرة و العصبية بتخلى اى انسان يخسر كتير
و اتمنى اى اى حد مش ياخد كل حاجة على اعصابة و بوجة الكلام لنفسى اولا Very Happy

الموضوع ده رائع بس اظن انى الهدوء احسن حتى نقدر نفكر بشكل كويس انا عن نفسى مش عصبى بس ساعات بزعل وبكتم ف نفسى مبظهرش زعلى وحوله لعصبيه ودى مشكله عندى
نفسى ابقى عصبى Very Happy

السلام عليكم ورحمة الله وبركاته

والله ياسارة انا شايفه ان الواحد لازم يحاول انه يمسك نفسه على الاخر عشان مايتعصبش ويحاول على قد مايقدر يستحمل اللي قدامه على فكره انا عصبية برضه بس الحمد لله بدات اتحكم في عصبيتي الى حد كبير واستحمل اللي قدامي واسئلي صحبتي الانتيم هي برضه احسن واحدة تقدر تحكم عليا وان شاء الله تقدري انتي كمان تتحكمي في عصبيتك وبعدين انا مش شايفكي عصبية اوي زي مابتقولي امال بابا يبقى ايه لما انتي عصبية احمدي ربنا انك مش عايشة مع حد عصبي ده اصعب بكتير من انك تكوني عصبية
الاستاذ احمد على انا احب اشكرك الاول لانك الوحيد اللي رد على كل المواضيع اللي كتبتها في القسم ده وانا بشكرك شكر خاص وجامد اوي واتمنى انك على طول تفضل معاي في القسم وتابع كل المواضيع اللي بكتبها واحب اقول لحضرتك انك تحمد ربنا لانك مش عصبي والله كده احسن وكده يخلي اللي قدامك مايتعصبش واذا اتعصب يحس انه غلطان عشان ماردتش عليه وبكده ممكن باذن الله تتغلب على مشاكل كتيرة واسأل مجرب