منتديات شباب اليوم


 
الرئيسيةاليوميةمكتبة الصورس .و .جبحـثالتسجيلالأعضاءدخول

شاطر | 
 

 امتحان السفارة المصرية للحصول على الجنسية (مهم جداااااااااااا)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مدير شباب اليوم
Admin
Admin
avatar

ذكر
عدد الرسائل : 225
العمر : 29
الدولة - المحافظة : انترنت وكرة القدم
اللقب فى شباب اليوم : مدير الموقع
تاريخ التسجيل : 26/01/2008

مُساهمةموضوع: امتحان السفارة المصرية للحصول على الجنسية (مهم جداااااااااااا)   الثلاثاء أبريل 15, 2008 6:00 am

صباح الفل حبايبي الأعزاء

يشترط لدخول الامتحان ان المتقدم يكون


معاه كل أدواته اللازمة : قلم رصاص – أستيكة (تحسباً للأخطاء الكتيرة) -

اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة

مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

السؤال الأول:اختار من بين الأقواس الكلام الصح:


1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - حلواني)

4-
البرنامج اللي بيجي ع القناة الأولى كل يوم الساعة 7.00 صباحاً ومحدش

بيتفرج عليه برنامج..صباح الخير ............ (يا ماما - يا بابا - يا

خالو - ياريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)

9- اشهر مغني مصري هو عبدالحليم .... (دياب - حافظ - سموزين - فؤش)


السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

6- دا شاب هيهي ، بيروح و ......



السؤال الثالث:ضع علامة صح أو علامة غلط أمام الكلام الجاي:


1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )



السؤال الرابع : التعبير الحر

اكتب فيما لا يزيد عن 3 سطور تعليق على اخر متش للاهلي و الزمالك

السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيها
2- ذكاء الشعب المصري الخارق برغم من اعتماده على الفول كغذاء اساسي
3-وجود السحابة السوداء برغم ازالة جميع اكشاك البطاطا المتحركة


[b]يا جماعه اللى مش عارف اى سؤال يكتب رد واحنا هنرد عليه انشاء الله




_________________
التوقيع

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbab2day.yoo7.com
almary5
مشرف عام
مشرف عام
avatar

عدد الرسائل : 304
اللقب فى شباب اليوم : almary5
تاريخ التسجيل : 09/04/2008

مُساهمةموضوع: رد: امتحان السفارة المصرية للحصول على الجنسية (مهم جداااااااااااا)   الثلاثاء أبريل 22, 2008 8:53 am

اقتباس :
يشترط لدخول الامتحان ان المتقدم يكون



معاه كل أدواته اللازمة : قلم رصاص – أستيكة (تحسباً للأخطاء الكتيرة) -

مينفعش كي بورد وصوابعي
اقتباس :
اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة

مصرية - أي حاجة)


معايا حجرين معسل
يتاري ينفعوا !!!

اقتباس :
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
طب كويس
لحسن مش بعرف اكتب أسمي Neutral

اقتباس :
السؤال الأول:اختار من بين الأقواس الكلام الصح:
يامسهل
علي بس أختار صح
هو مش ممكن تغششني Question

اقتباس :
- حنان ترك اتحجبت يعني............ (لبست جزمة - لبست ساعة - لبست ايشارب)

لبست طاقية لخفة I love you

اقتباس :
- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
يجعل كلامنا خفيف عليهم
أشتاتاً أشتوت
" الجن طبعاً"

اقتباس :
- اللي بنى..بنى مصر كان في الأصل......(حلاق - نجار - تاجر مخدرات - حلواني)

مخلالاتي
بتاع مخلل ياعني

اقتباس :
-
البرنامج اللي بيجي ع القناة الأولى كل يوم الساعة 7.00 صباحاً ومحدش

بيتفرج عليه برنامج..صباح الخير ............ (يا ماما - يا بابا - يا

خالو - ياريس - يا مصر)

صباح الخير يامنااااااااااايييييييييييييييييييييييال
اقتباس :
5 - مصر هى أمي نيلها جوا...........(عبي - بطني - رجلي - جيبي - دمي)
مصر هي أمي
نيلها جوا كمي
شمسها في حمامي
لونها وف هدومي
حتي طولي سنتي
طول خيرك يامصر

اقتباس :
- رئيس مصر القادم السيد......(جمال مبارك - جمال مبارك – جمال مبارك - كل ما سبق)
جمال مبارك Neutral lol!
اقتباس :
7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)
بيربي الواد " تريكه"
اقتباس :
- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)
بمدفعية
اقتباس :
- اشهر مغني مصري هو عبدالحليم .... (دياب - حافظ - سموزين - فؤش)
عبد الحليم رافض
.............
بس أيه ده
انتوا جايبين كل الاختيارات غلط ماعاده واحد
ال حاطط الاختيارات ده المفروض يتحول مجلس تاديب

اقتباس :
السؤال الثاني:أكمل الجمل الآتية بكلام م الآخر:

هو مفيش اختيارات scratch
اقتباس :
- انتبه من فضلك السيارة ترجع إلى............ ......... ...
الدول النامية
اقتباس :
2- ماما زمنها............ ......
نايمة
اقتباس :
3- من خلال تجاربك السابقة...البامبرز استيك منه............ .
طب وأنا اعرف منين
انا كنت بحط كافولة
بس أحتمال يعني يكون
استيك منه ليه

اقتباس :
- طلعت أدّب نزلت أدّب لقيت الدب بيأزز............
انا ملأتش دب
انا لقيت الجيران بيتخانقوا معا بابا

اقتباس :
- اسم والد اللاعب وائل جمعة الحاج............ ..
وائل أبن أبو جليل ولا وأئل أبن الطحاوي
اقتباس :
- دا شاب هيهي ، بيروح و ......
مدام هيهيهي
يبقي بيروح القهوة ام دش ال جمب بيتنا
بس بعد لما الناس تنام
طبعا علشان يتفرج علي الماتش Very Happy



اقتباس :
السؤال الثالث:ضع علامة صح أو علامة غلط أمام الكلام الجاي:
طب ياتري هو مع التعليل ولا العلامه وخلاص
اقتباس :
- بابا فين؟؟ ..بابا هنا..قوله مين؟؟ قوله عمو ( *)
بابا مش موجود
اقتباس :
- الشرطة دائما في خدمة الشعب ( scratch )
الشرطة اكيد في خدمة الشرطة
انت بتتكلم ازاي

اقتباس :
- أذان المغرب في رمضان بصوت 'طارق نور' ( study )
انا بسمع المدفع
اقتباس :
- شاي الجوهرة حتة سكرة ( t)
ماهوا علشان كده انا بشتريه علشان احلي بيه الشاي ال عندنا
أصل السكر غلي

اقتباس :
- ميلودي تتحدى الملل فعلا ( bounce )
تتحدي العري !!!!!!!!!!!!!!!!!
اقتباس :
السؤال الرابع : التعبير الحر
ده انا كنت نسيت ياعني ايه حرية من زمان
اقتباس :
اكتب فيما لا يزيد عن 3 سطور تعليق على اخر متش للاهلي و الزمالك
بس هما بس يكملوا سطر
أحم
الماتش كان تمام
وكان فل الفل
والواد اللعيب بتاع الاهلي
كان عمال يسلم ويبوس في الواد اللعيب بتاع الزمالك
وكانوا في وأم تام
وحتي اللعيبه وقفوا يخدوا صورة سوا
في الوقت ال كان جوزيه بيحط حاجه كده علي الماشي في أيد الحكم

اقتباس :
السؤال الخامس : علل
الأمتحان طويييل أوي
اقتباس :
- مازالت كرة القدم هي اللعبة الشعبية الاولى برغم ان احنا ملناش فيها
ماحنا ملناش في حاجه خالص
هو احنا لو كنا لينا فيها كان زمانا فضلنا كل الوقت ده بنلعبها

اقتباس :
2- ذكاء الشعب المصري الخارق برغم من اعتماده على الفول كغذاء اساسي
ها
scratch scratch scratch
اه احنا ازكيه جدا
والأطنه مابتكدبش

اقتباس :
-وجود السحابة السوداء برغم ازالة جميع اكشاك البطاطا المتحركة
يمكن تكون المشكله في أكشاك النور
مانجرب نشيلها

اقتباس :
]يا جماعه اللى مش عارف اى سؤال يكتب رد واحنا هنرد عليه انشاء الله




لا انا حليت
بس علي قادي يعني
تفتكر هاخد كام
انا زاكرت study
يارب انجح

_________________
[embed-flash(width,height)]انا العبد الذي كسب الذنوب وصدته الأماني أن يتوب[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مدير عام المنتدى
مدير عام
مدير عام
avatar

ذكر
عدد الرسائل : 337
العمر : 30
الدولة - المحافظة : مصر - الاسماعيلية
اللقب فى شباب اليوم : مدير عام المنتدى
تاريخ التسجيل : 06/04/2008

مُساهمةموضوع: رد: امتحان السفارة المصرية للحصول على الجنسية (مهم جداااااااااااا)   الثلاثاء أبريل 22, 2008 3:54 pm

السلام عليكم

خلاص اعتقد المريخ بقى كوكب مصرى يعندى خد الجنسية المنسية اصدى المصرية

اول كوكب مصرى

_________________
من الممكن أن يكون الإنسان واثق من نفسه فى فعل شئ معين ولكنه يصادف تحديات تجعله يعتقد أنه فاشل، بما يؤثر على أفكاره ويجعله يفكر بطريقة سلبية تسبب له اعتقاد ذاتى سلبى، فيصبح سجينا فى زنزانة سجن أفكاره السلبية التى قد تؤثر على اتزانه وعلى قدرته فى تحقيق أهدافه .. فلاحظ أفكارك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbab2day.yoo7.com
نجيب
عضو فضى
عضو فضى
avatar

عدد الرسائل : 34
اللقب فى شباب اليوم : نجيب
تاريخ التسجيل : 12/04/2008

مُساهمةموضوع: رد: امتحان السفارة المصرية للحصول على الجنسية (مهم جداااااااااااا)   الأحد مايو 04, 2008 6:26 pm

عسسسسسسسسسسسسسسسسسسسسسسسسسسسسسسل


اللى حط الاسئلة واللى جاوب على الامتحان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نجيب
عضو فضى
عضو فضى
avatar

عدد الرسائل : 34
اللقب فى شباب اليوم : نجيب
تاريخ التسجيل : 12/04/2008

مُساهمةموضوع: رد: امتحان السفارة المصرية للحصول على الجنسية (مهم جداااااااااااا)   الأحد مايو 04, 2008 6:28 pm

لالا بجد عسل

على فكرة انا ببعت الحاجات دى على اليمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مدير عام المنتدى
مدير عام
مدير عام
avatar

ذكر
عدد الرسائل : 337
العمر : 30
الدولة - المحافظة : مصر - الاسماعيلية
اللقب فى شباب اليوم : مدير عام المنتدى
تاريخ التسجيل : 06/04/2008

مُساهمةموضوع: رد: امتحان السفارة المصرية للحصول على الجنسية (مهم جداااااااااااا)   الإثنين مايو 05, 2008 11:55 am

السلام عليكم

خلاص يا نجيب اعملك امتحان لاخد الجنسية اليمنية

اية رايك بقى


_________________
من الممكن أن يكون الإنسان واثق من نفسه فى فعل شئ معين ولكنه يصادف تحديات تجعله يعتقد أنه فاشل، بما يؤثر على أفكاره ويجعله يفكر بطريقة سلبية تسبب له اعتقاد ذاتى سلبى، فيصبح سجينا فى زنزانة سجن أفكاره السلبية التى قد تؤثر على اتزانه وعلى قدرته فى تحقيق أهدافه .. فلاحظ أفكارك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbab2day.yoo7.com
spider
عضو ماسى
عضو ماسى
avatar

عدد الرسائل : 185
تاريخ التسجيل : 06/04/2008

مُساهمةموضوع: رد: امتحان السفارة المصرية للحصول على الجنسية (مهم جداااااااااااا)   الخميس يوليو 31, 2008 8:19 am

السلام عليكم ورحمة الله وبركاته

انا عايزة اجاوب على الامتحان ولاه مش من حقي عشان جيت متاخر على العموم انا لاهجاوب وخلاصوزي ماتجي تجي
بالنسبة للسؤال الاول :-
1- حنان ترك اتحجبت يعني لبست شورت وفلانه وكاب
2- اللي بنى هرم خوفو هم الاخوة الاعداء
3- اللي بنى بنى مصر كان في الاصل جزار (واسألوا بتوع مدينة المعلومات)
4- البرنامج اللي بيجي الصبح على القناة الاولى صباح الخير ياتيتا
5- مصر هي امي نيلها جوا فمي
6- ريس مصر القادم هو الاجابة الخمسة جمال مبارك
7- ابو تريكة هو اللي خلف تريكة
8- ياحضرة العمدة ابنك حميدة حدفني بجلبية
9- اشهر مغني مصري هو عبد الحليم شاكر
اجابة السؤال التاني:-
1- انتبه السيارة ترجع لمصر
2- ماما زمنها دايخية
3- البامبرز استيك منه لله
4- الدب بيازز بط
5- اسم والد الاعب وائل جمعة احتمال يكون خميس
6- هو على حد علمي ان الشاب الهيهي بيروح ومابيرجعش
اجابة السؤال التالت:-
1- بابا حاليا نايم
2- الشرطة دايما في خدمة الحكومة
3- اذان المغرب في رمضان بصوت التلفيزيون
4- شاي الجوهرة حه ورق شاي متفتت
5- ميلودي تنحدر للهبل
(انا اتفق مع المريخ فعلا الامتحان طويل جدا )
اجابة السؤال الرابع:-
الاهلي كان لابس احمر والزمالك لابس ابيض وساد التعادل الماتش وطلع كل الجمهور مبسوط من اللعب النظيف ومن غير شتيمه ولاه مفرقعات
اجابة السؤال الخامس :-
1- يمكن عشان هي الوحيدة اللي حصل فيها نوع من الفرح حاجة يفرج الناس بيها عن همهم
2- اذكية جدا بالنسبة لك بس للدكاترة لا مفيش حد ينفع ينجح فينا خالص
3- يمكن السبب عربيات الايس كريم المتحركة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امتحان السفارة المصرية للحصول على الجنسية (مهم جداااااااااااا)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب اليوم :: المنتدى العام :: أضحك من القلب-
انتقل الى: