عدد الرسائل : 140 العمر : 34 اللقب فى شباب اليوم : مصطفى@ اللول تاريخ التسجيل : 05/04/2008
موضوع: يوميات زهقان من القلب الى القلب الخميس أبريل 17, 2008 7:49 pm
عايش حياتي زهقان في ملل ماليش أي رجاء ولا حتي عندي أمل مش حابب أعيش لبكره وامبارح مالوش عندي أي ذكرى عايش ليومي غرقان في وسط همومي وياتري أنا مخلوق مهم ولا اصبحت نكرة
أنا ليه طب حي .. طب ليه موجود ياتري في هدف ولا صدفة بالوجود أنا عايش ليه وعلي شان إيه
عندي اسئلة كتير وخلاص وقف التفكير يااااه مش قادر اتكلم خلاص خلص الكلام ياتري انا بحلم ولا دي حقيقة وسط الايام
بس يمكن هي دي الحقيقة ده اليوم بيعدي عليّ بالدقيقة والفرح فيّ دايما مش كتير
اصبحت أنا للحزن أسير كل يوم مليان اخبار جديدة كام بركان علي زلزال وكمان اغتيال طب بالذمة دي تبقي حياة
الظاهر كده إني ماليش فيكي مكان أصلك يا دنيا مليانه بكا وأحزان بنخاف فيكي نفرح ونقول ربنا يستر أصل الفرح ده زياده وكمان فوق العادة والاخلاق فيكي مافيش ماتتلقاش وأنت كل اللي فيكي ضحك وترويش مفيش فيكي أي امان وملعون اللي يتكل علي إنسان ياه يايوم دا أنت كلك هموم وغيوم بالبكاء تعدي وأحزانك بتدوم
ياتري يادنيا فيكي أمان ليه اتوجدت فيكي كانسان بدور فيكي علي أي معني أو حاجة بينا تجمعنا ونهايتي بعدك أية؟! .. سما ولا نار من كتر الفكر تعبت ومحتار
ده كلامي اللي جوايا وحاسس بيه ياريت يوصلك وتفكر فيه
almary5 مشرف عام
عدد الرسائل : 304 اللقب فى شباب اليوم : almary5 تاريخ التسجيل : 09/04/2008
موضوع: رد: يوميات زهقان من القلب الى القلب الجمعة أبريل 18, 2008 11:10 am
اقتباس :
أنا ليه طب حي .. طب ليه موجود ياتري في هدف ولا صدفة بالوجود أنا عايش ليه وعلي شان إيه
للسبب الرئيسي ال خلي المولي تبارك وتعالي ينزل الانسان علي الأرض " التعمير" علشان تعمر الأرض تعمرها بفكرك وعلمك ونسلك ومشاعرك ومبدءك واخلااك وعلشان تطيع ربنا فيها وعلشان أسم ربنا يتذكر في كل حتي فيها
اقتباس :
ياتري يادنيا فيكي أمان ليه اتوجدت فيكي كانسان بدور فيكي علي أي معني أو حاجة بينا تجمعنا
العيب مش في الدنيا العيب في ال عايشين في الدنيا
اقتباس :
ونهايتي بعدك أية؟! .. سما ولا نار
تقصد جنه ولا نار صح أنشاء الله جنه قول يارب
اقتباس :
من كتر الفكر تعبت ومحتار
سيدنا أبراهيم أحتار قبل منك وفي النهايا بعد ما شاف الشمس والقمر وصل للحقيقه ياتري أنت لسه محتاج تحتار وفي ال أحتار قبلك وحسم حيرته وحلها ووفرت حيرة كل الخق من بعده
اقتباس :
ده كلامي اللي جوايا وحاسس بيه ياريت يوصلك وتفكر فيه
فكرت وال أقدر أقولهولك وسع باب الأمل علي الدنيا وهتبقي احلي ولو اني علي يقين من أن الامل موجود وان ال أتكتب ده كان في لحظه شجن من ألاف اللحظات ال بيمر بيها الانسان و......... تحياتي
مصطفى نافع عضو ذهبى
عدد الرسائل : 140 العمر : 34 اللقب فى شباب اليوم : مصطفى@ اللول تاريخ التسجيل : 05/04/2008
موضوع: رد: يوميات زهقان من القلب الى القلب الجمعة أبريل 18, 2008 1:50 pm
السلام عليكم شباب اليوم انا شاكر جدا ردك على موضوعى وبصراحة انت خلتنى ارجع احس بالامل والصبر على عسرات الحياة وعلى شرحك المبسط وطريقة سردا بصراحة انت ناقد ممتاز بارك الله فيك وارضاك
قمــــة الصبر .. أن تسكت وفي قلبك جرح يتكلم ..
وقمــة القوة .. أن تبتسم وفي عينيك ألف دمعة ..
almary5 مشرف عام
عدد الرسائل : 304 اللقب فى شباب اليوم : almary5 تاريخ التسجيل : 09/04/2008
موضوع: رد: يوميات زهقان من القلب الى القلب الجمعة أبريل 18, 2008 2:18 pm
اقتباس :
انا شاكر جدا ردك على موضوعى
لا شكر علي واجب يافندم
اقتباس :
وبصراحة انت خلتنى ارجع احس بالامل والصبر على عسرات الحياة
ليه عظيم الشرف فعلاً اذا كنت قدرت أعمل حاجه زي كده
اقتباس :
وعلى شرحك المبسط وطريقة سردا بصراحة انت ناقد ممتاز بارك الله فيك
الله يكرمك ويصلك حالك شكرا ليك و........... تحياتي
مدير عام المنتدى مدير عام
عدد الرسائل : 337 العمر : 37 الدولة - المحافظة : مصر - الاسماعيلية اللقب فى شباب اليوم : مدير عام المنتدى تاريخ التسجيل : 06/04/2008
موضوع: رد: يوميات زهقان من القلب الى القلب الإثنين أبريل 21, 2008 3:03 pm
بصراحة صعبت عليا والله لية كدا الملل الى انت فية
لا مش عوزك كدا انا عاوزك اقوى من كدا بكتير
وانت زعلان لية هى الامانة مش وصلت ولا اية
rose عضو ذهبى
عدد الرسائل : 129 تاريخ التسجيل : 06/04/2008
موضوع: رد: يوميات زهقان من القلب الى القلب الخميس أبريل 24, 2008 2:10 pm
السلام عليكم ورحمة الله وبركاته والله كده انا زعلت عليك ياعم ليه كده ده حتى انت لسه صغير وبعدين والله مفيش حاجة في الدينا دي تستاهل انك تمل وتزهق وانا بايد كلام المريخ مخلاش حاجة تاني نقوله والله الحياة حلوة بس لازم تقابل الناس الصح اللي فيها تعالى مرة كده مع المدير (دكتور احمد) الجامعة هتلاقي عندنا في ناس كتير جدعة اوي وكمان وفية ومخلصة وصاحب صحبه وكل حاجة واسال الدكتور احمد وهو يقولك انا اقصد مين وبعدين لازم تخلي عندك دايما امل في ربنا ومش لازم تفقد الثقة ابدا لا في نفسك ولا في الناس علشان تعرف تعيش وكماتن لازم يبقى عندك طموح وامل في بكرة ومستنين مشاركاتك الجميله الممتعه دايما لينا وبلاش تشاؤم ولا ممل ولا احباط
Black__Arrow عضو فعال
عدد الرسائل : 22 العمر : 36 تاريخ التسجيل : 05/04/2008
موضوع: رد: يوميات زهقان من القلب الى القلب الجمعة أبريل 25, 2008 5:10 pm
ايه يا عم انت مغمقها كده ليه
الحياه خحلوة ومش مستاهله شد حيلك انت بس وهاتقدر تكمل الموضوع جميل جدا بس بلاش اللى انت فيه ده اخرج من اللى انت فيه
(LOLO(M عضو فعال
عدد الرسائل : 11 العمر : 36 الدولة - المحافظة : الاسماعيلية اللقب فى شباب اليوم : 3ALOSH تاريخ التسجيل : 29/04/2008
موضوع: رد: يوميات زهقان من القلب الى القلب الثلاثاء أبريل 29, 2008 1:23 pm
خلى عندك تفال فى الحياة عشها بس المهم تعشها صح مش بفعل الغلط وطول مانت قريب من ربنا هتلقى ان شاء الله كل حاجة حلوة