منتديات شباب اليوم


 
الرئيسيةاليوميةمكتبة الصورس .و .جبحـثالتسجيلالأعضاءدخول

شاطر | 
 

 نكت منقوله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
land of the leal
عضو فضى
عضو فضى
avatar

انثى
عدد الرسائل : 58
العمر : 31
الدولة - المحافظة : الاسماعيليه
اللقب فى شباب اليوم : أرض الجنه
تاريخ التسجيل : 28/04/2008

مُساهمةموضوع: نكت منقوله   السبت مايو 31, 2008 5:38 am

أبو هنداوي
هريدى: كيفك يا هنداوى عامل ايه ؟ بجالى مده ماشفتكش ..كيفك وكيف ابوك
هنداوى: أنا ماشي حالي الحمد لله بس الوالد البجية فى حياتك
هريدى: البجيه فى حياتك.. عارف كان عندو الجلب يالله الله يرحمو‎
هنداوى: بس والله ما مات من الجلب‎
هريدى: معجول ؟! كيف توفى؟‎
هنداوى: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تالت دور‎
هريدى: واه واه موته وعره جوى، بكل الأحوال الله يرحمو‎
هنداوى: والله تعذبنا فيه كتير وعملنالو حوالى 12 عملية ليتحسن
هريدى: لكن كيف توفى؟‎ !
هنداوى: صار يمشى على عكازة ومرة عم بيجطع الطريج، سيارة مسرعة خبطتو‎
هريدى: يا لطيف ... الله يرحمو‎
هنداوى: ربك رحيم كان فيه جار لنا حطو بعربيته ولحقو ع المستشفى بس النزيف الداخلي كان رهيب‎
هريدى: الله يرحمو بكل الأحوال‎
هنداوى: بس سفرناه على إسبانيا وجعدنا اكتر من 6 أشهر عم بنعالج فيه والحمدلله تحسن‎
هريدى: طيب كيف مات‎
هنداوى: صار عنده فشل كلوي حاد وجعدنا ندور على متبرع كلية وتأخرنا وصار معه تسمم‎
هريدى: الله يرحمو ارتاح‎
هنداوى: بالصدفة جالنا شخص بيعرفو من زمان تبرعلو بالكلوة بآآآآآآآآخر نفس‎
هريدى: لكان كيف مات؟‎ !
هنداوى: والله مرة بالبيت وهو جاعد ما انتبه ع الغاز اتحرج البيت وهو لحالو فيها‎
هريدى: يا لطيف على الموتة دى الله يرحمو‎
هنداوى: بس والله جارنا الله يجزيه الخير كسر باب البيت ولحقو بآآآآآآآخر لحظة‎
هريدى: فهمنا كيف مات‎ !!!!
هنداوى: والله اخر ما زهقنا اضطرينا نـطـخـه
---------------------------------------
كبسة
البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا
--------------------------------------
مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."
---------------------------------------
مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل
---------------------------------------
مرة واحد حب يسكر فقرر الذها إلي اقرب بار و في البار حدث ما لم يكن في الحسبان
جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه
1: مساء الخير
2: مساء النووور
1: هو الأستاذ منين ؟
2: انا من القاهرة
1: يا محاسن الصدف اصل انا كمان من القاهرة
2: هو حضرتك منين من القاهرة
1: انا من المطرية
2: يا محاسن الصدف اصل انا كمان من المطرية
1: هو حضرتك منين من المطرية
2: ش التحرير
1: معقولة ؟ اصل انا كمان من ش التحرير
2: يااه مش ممكن
1: ليه ؟
2: مش عارف
1: ان شاء الله
طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار
1: هو حضرتك منين من ش التحرير
2: انا من عمارة رقم 40
1: مش ممكن اصل انا كمان من نفس العمارة
2: هو حضرتك ساكن في الدور الكام
1: انا في الدور الثالث
2: مستحيل دا انا كمان في الدور الثالث
1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة و مانعرفش بعض
2: اه والله حاجة غريبة فعلا
1: هو حضرتك في اي شقة بالظبط
2: اللي جنب السلم
1: مستحيل دانا كمان ساكن في نفس الشقة
و طبعا صاحبنا في اللحظة دي كان هايتجنن
جه صاحب البار و قال له :
ياعم ماتخدش في بالك ده واحد و ابوه بيجوا يسكروا هنا كل يوم
---------------------------------------
واحد بلديتنا رجله كانت بتوجعه فذهب للدكاترة فقالوا له : لازم نقطع رجلك فاخذ الساطور وقطع رجله بنفسه دون تخدير الدكاترة قعدو يصقفولو عشان شجاعتو اتبسط منهم خد الساطور قطع رجلو التانية
---------------------------------------
واحدة صعيدية اتجوزت واحد لبناني حمل منها
---------------------------------------
واحد بيسأل واحد صاحبه : ياعم الاسرائيليين لما كانوا بيحاربوا مصر ضربوا كل المحافظات ما عدا المنوفيه !!!
قاله أكيد يعني اليهود مش بيضربوا بعض
..............................................
واحد منوفي كان ناذر نذر انه لو خلف ولد يصوم عشر أيام و فعلاً ربنا أكرمه و جاب ولد و الراجل صام العشر أيام بعديها بكام يوم الولد مات المنوفي خصم العشر أيام من شهر رمضان
..............................................
واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر
------------------------------------------
بلدياتنا فتح محل انابيب غاز .. فجّر اسطوانتين فى وسط البلد .. دعاية
------------------------------------------
واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
-----------------------------------------
مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه
------------------------------------------
بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك امك سمى، صدرى اتحرق!"
------------------------------------------
واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور
------------------------------------------
واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة
------------------------------------------
واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
النكتة دي بتفكرني بيك يا بؤبؤ انت و رفرف ههههههههههه
---------------------------------------
بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،
قالهم هو شرط؟
---------------------------------------
مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،
فراح للعسكري التاني قال له: ايه دي؟، قال له: دي ام هريدي يا فندم.
----------------------------------------------
مرة واحد بلدياتنا وقع فى حفرة نزلولوا حبل طلع مخنوق .
----------------------------------------------
مرة واحد بتاع سمك ابنه مات فماشى فى الجنازة يقول: كان صاحى وبيلعب .
----------------------------------------------
محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!
----------------------------------------------
مره واحد احول سجل في الجيش...... حطوه في قسم القصف العشوائي
----------------------------------------------
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
---------------------------------------------
مرة واحد راح السودان بالليل ملاقاش حد .
---------------------------------------------
سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه
---------------------------------------------
صومالى ركبه عفريت العفريت مات من الجوع
---------------------------------------------
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
--------------------------------------------
واحد سكران فتح التلاجه وبص للجلي ...وجده بيرتعش :قالوه متخفش هاخد عصير
-------------------------------------------
مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين).
---------------------------------------
فلخم : آبا هي جبال الالب فين؟؟
ملخفن : اسأل امك هي اللي مابتحطش الحاجه مكانها
========================================
فلخم عمل حادثه بالعربيه .... فرجع البيت زي الحصان وحكى لأبوه ملخفن
ملخفن : العربيه اللي خبتطك رقمها كام؟؟
فلخم : 24999
ملخفن : يعني قول25000
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مدير عام المنتدى
مدير عام
مدير عام
avatar

ذكر
عدد الرسائل : 337
العمر : 30
الدولة - المحافظة : مصر - الاسماعيلية
اللقب فى شباب اليوم : مدير عام المنتدى
تاريخ التسجيل : 06/04/2008

مُساهمةموضوع: رد: نكت منقوله   السبت مايو 31, 2008 8:48 am

السلام عليكم

بجد مش عارف اقول اية نكت جمدة موت وبصراحة كنت مخنوق من المذكرة وبجد شكرا عليها

وجزاكم الله خيرا بس بلاش الصعيدة بس بتاعت جرت المش دية جمدة وكمان السودان والصومال وبجد الى احلى من دة كلة الى حط الموضوع فى المنتدى


_________________
من الممكن أن يكون الإنسان واثق من نفسه فى فعل شئ معين ولكنه يصادف تحديات تجعله يعتقد أنه فاشل، بما يؤثر على أفكاره ويجعله يفكر بطريقة سلبية تسبب له اعتقاد ذاتى سلبى، فيصبح سجينا فى زنزانة سجن أفكاره السلبية التى قد تؤثر على اتزانه وعلى قدرته فى تحقيق أهدافه .. فلاحظ أفكارك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbab2day.yoo7.com
احمد على
عضو فضى
عضو فضى
avatar

عدد الرسائل : 65
اللقب فى شباب اليوم : احمد
تاريخ التسجيل : 13/04/2008

مُساهمةموضوع: رد: نكت منقوله   السبت مايو 31, 2008 12:21 pm


السلام عليكم ورحمة الله وبركاتة
اية النكت البيخة دى احنا ناقصين يبقى النكت والامتحانات كمان
على العموم ياريت تبعدى عن الصعيدة وكمان خلى احمد يركز امال انا هغش من مين بقى بذات فى المادة دى
مع انوبيغششنى غلط بس اهوووممكن ينفعنى المرة دى ولا ايه

ركز سيبك من الهندية دلو قتى وركز على الخصخصة والاستراتيجية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
land of the leal
عضو فضى
عضو فضى
avatar

انثى
عدد الرسائل : 58
العمر : 31
الدولة - المحافظة : الاسماعيليه
اللقب فى شباب اليوم : أرض الجنه
تاريخ التسجيل : 28/04/2008

مُساهمةموضوع: رد: نكت منقوله   الخميس يونيو 05, 2008 7:35 am

مرسي جدا علي أسلوبك الجميل والشيك يا " مدير عام المنتدي "
وبجد انت ال رفعت من معنوياتي
وانا فعلا كنت بردوا زهقانه من المذاكره علشان كده دخلنت نت ادور علي نكت
وبعدين حطتها علي المنتدي
بس انا عاوزه اقولك ان مش انا ال بكتب النكت دي علشان اختار من بينها
ويعني الصعيده علي راسنا من فوق
بس هما ال ليهم استيل بيخلي الناس تكتب عنهم
بس في النهايه مقدرش اقول غير مرسي ليك مره تانيه

.....................
اما بالنسبه للاستاذ " احمد علي "
فبردوا هقولك مرسي لكلماتك الشيك دي !!!!!!!!!!!
وبعدين يسيدي الغش حرام
وربنا انشاء الله هينجحك منغير غش
بس انت شد حيلك
ربنا يوفقنا جميعا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت منقوله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب اليوم :: المنتدى العام :: أضحك من القلب-
انتقل الى: