الخوف .............عيب ولاه ميزة

السلام عليكم ورحمة الله وبركاته
الخوف ........كلمة بسيطة بتعبر عن اللي جوانا في موقف معين
بس في ناس بتعتبر الخوف ضعف وعيب
وناس بتعتبره قوة وميزة
وناس بتقول انا مابخفش من حاجة
وناس تانية تقول هو في حد في الدنيا مابيخفش من حاجة
عايزة ارائكم انتوا مع الخوف ولاه ضده ؟
وهو ضعف ولاه قوة وليه؟
واذا كنت خايف هتعترف بسهولة ولاه لا ؟
والمفروض ان الانسان يخا ف ولاه لا؟

السلام عليكم و رحمة الله و بركاتة

طبعا لازم الانسان يخاف لو مخفش ميبقاش انسان اصلا يبقى حاجة تانية زى فى مثل بيقول من خاف سلم ولا اية ؟؟؟؟؟
موضوعاتك رائعة سبيدر بارك الله فيكى

السلام عليكم ورحمة الله وبركاته

شكرا ليكي ياسارة والله انتي اللي مشاركاتك رائعة ودايما كده رودوك بتشجعني على اني اكتب مواضيع تانية وصح لازم الانسان يخاف بس في ناس بيقولوا انهم مابيخافوش من حاجة بس انا عارفه انهم غلطنين عشان مفيش حد مابيخفش من حاجة وياريت ماتحرمنيش من رودوك الحلوة ده دايما

عضو فضى عدد الرسائل : 74 تاريخ التسجيل : 05/04/2008

السلام عليكم

والله موضوع جميل واكيد الاسان اولا يجب ان يخاف من الله ولاكن فى انواع من الخوف غير مستحبة وتكون نابعة عن شعور الانسان بالضعف

السلام عليكم ورحمة الله وبركاته

اهلا بيكي يادينا وفينك من زمان والله ليكي وحشة وعايزه اشوفك تاني وشكرا لمرورك اكيد طبعا لازم الانسان يخاف من ربنا اول حاجة وانا معاكي كمان في ان في بعض انواع الخوف بيكون ضعف بس مش كله

الخوف موضوع جميل كلنا لازم نخاف بسمش لازم نخاف من الخوف ومش لازم نخاف من كل

حاجة والا هنبقى عبيد للخوف وهو الى بيتحكم فينا انا عارف ان الخوف غريزة انسانية

بس احنا برضو الى ممكن نتحكم فيها مش نخليها هى الى تتحكم فينا

ياريت يا جماعه اللى يكتب موضوع ياخد باله ويكتب الكلمات صح اعتقد ان احنا كبرنا على الاخطاء دى الا اذا كانت دى اخر قدرات كاتب الموضوع ففى هذه الحاله ممكن ان نلتمس له العزر ولاه ايه

السلام عليكم ورحمة الله وبركاته
والله ياخ يالللي كاتب اسمك زي اسمي مع اختلاف حرف الموضوع عن الخوف وليس عن الاخطاء الاملائيه وبعدين الناس كلها عبرت عن رايها وفهموا انا عايزة اقول ايه ومحدش علق الا حضرتك ليه ماعرفش وبعدين لما كنت بكتب الموضوع ده كان لون المنتدى متغير ومكنتش شايفة اللي بكتبه عشان كده كتبت بعض الحروف غلط وعدت مع الناس كلها الا حضرتك وياريت ماتغلطتش في حد وخصوصا لما تكون مش عرفه

السلام عليكم ورحمة الله وبركاته

اهلا بمدير عام المنتدى ومنور القسم انا معاك ان احنا لازم نتحكم في الخوف والاه هيتحكم فينا هو ولازم نسيطر على نفسنا ومانخفش من كل حاجة وشكرا لمرورك الكريم وعايزة اشوفك معنا على طول

السلام عليكم ورحمه الله وبركاته
احب اقول للاخت اللى اسمها زى اسمى مع اختلاف حرف انتى بتقولى انا كاتب اسمى زى اسمك تفتكرى انا هكتب اسمى زى اسمك ليه يعنى هى جت كده وبعدين انا عارف ان الموضوع عن الخوف ده ما يمنعش ان انتقد الاخطاء الكتير اللى فى الموضوع وبعدين الناس اللى فهموا انتى كاتبه ايه هو انتى كاتبه الموضوع ليهم بس ممكن يكون ناس كتير دخلت بس لما لقت الكلام مش مفهوم فماقدرتش تعبر عن رايهم
طيب لما لون المنتدى كان متغير كانت الحروف اللى على الكيبورد بتاعت حضرتك هى كمان لونها متغير
وبعدين ليه حضرتك بتقولى ان انا غلطت فيك انا قولت اى حاجه غلط ولا قولت اى كلام ماحصلش وبعدين مش لازم اعرفك علشان اغلط فيكى وياريت تتقبلى اى انتقاد
ومش لازم اكون زى الاخت ساره اسقف وبس علشان ابقى عضو مقبول

السلام عليكم ورحمة الله وبركاته
ياحضرة الاعضاء هو انتوا هتتخنقوا ليه كده بس وبعدين يااستاذ حضرتك غلطان عشان مش شرط الواحد يبص على كل حرف بيكتبه وخصوصا لما يكون مستعجل عشان بيكتب في اكتر من موضوع او مثلا ليه وقت محدد في العقدة على الكمبيوتر وبعدين محدش قال لحضرتك انك ماتقولش رايك بس ياريت يكون باحترام للشخص اللي بتنتقضه ومش معقول يعني ان حضرتك عمرك ماغلط ولاه كتبت بسرعة حرف مكان حرف وبعدين الكلام اللي كان متلخبط ماضيعش الموضوع ولاه حاجة لان المهم مضمون الموضوع وكمان حضرتك سبت الموضوع ومعبرتش عن رايك في الموضوع وقلبته لموضوع انتقاد واخطاء املائية ياريت مش كل واحد فينا يقف للتاني على الواحدة وكمان ياريت نكون كلنا اسرة واحدة
وبالنسبة للخوف فلازم اي انسان يحس بالخوف والا يكون انسان مريض وناقصه حاجة ده رائي