انا مش عارف الصورة دي فين
و الله حرام عليكم اللي بتعملوا ده
اتا يؤسفني ان ده يحصل في مصر و ربنا يكون في عون العساكر الغلبانين
و ربنا يهدي الشعب المصري و يهدي الناس اللي حصلاها خبلان و نازله تكسر في الشوارع و المحلات
ذنبهم ايه اللي اتكسرت محلاتهم و عربياتهم و ليه نخرب بلدنا و نكسر الشوارع و كباين التليفونات
هو ده اللي انتو قادرين عليه
ضربنا العساكر الغلبانين و عشنا دور الفلسطنين و مسكنا الطوب و حدفنا العساكر اللي هما اصلا مننا و اهلنا و حالهم نفس حالنا بالطوب كدة احنا جدعان اوي ووطنين ، و البنت اللي في الصورة دي مش عارف اعلق اقول ايه ربنا يهديها و يعقلها و يعقل كل الناس اللي اندفعت ورا احساس بالغضب من غير اي تفكير و لا حتى بقوا عارفين انهم بيأذو نفسهم و بيأذو اهلهم قبل اي حد تاني ، يا ريت يا جماعة نكون اكثر تحضر و عقلانية و يكون عندنا رحمة بنفسنا عشان ربنا يرحمنا و غيرنا يرحمنا ، و نتحد على موقف ايجابي يكون ليه اثره الايجابي مش نقاوم فساد بفساد و اللي يضيع ناس في النص ناس غلبانين