تعالوا نتعرف بشكل عملي

ازيكوا يجماعه Shocked

يارب كلنا نكون بخير
ونكون بنستعد للامتحانات كده

ربنا ينجحنا جميعاً يارب Smile

...........
أيه رأيكوا لو نتعرف بشكل عملي santa

وكل واحد فينا يدخل يعرفنا علي نفسه في سطور
ميولوا
اتجهاته
هواياته
احب الاشياء إليه
اكره الاشياء ليه
الشكل ال يتمني يشوف نفسه بيه farao

... ألخ
يعني معلومات في سطور بسيطه تعرفنا أحنا بنكلم مين
أتمني الأستجابه
والسلام ختام

أبتدي أعرفكوا بنفسي

انا almary5 أو المريخ
كوكب تبع المجموعه الشمسيه
طبعا مش محتاجه اشرحلكوا
انتوا أكيد عارفين من أيام جغرافية أبتدائي - هي كانت جغرافيه ولا علوم drunken

-
وبحب الكتابه والشعر
وعموما بحب اتعرف علي كل جديد
وكل ال بتمناه اننا نكون ايجابيين ومؤثرين في حياة بعض
و..........
وبس Very Happy

مشكور اولا على الموضوع

انا اسمى محمد نور الدين

بحب الافلام والرياضه

بحب الالقاب الحلوه

بعشق بكهام وزيزو

بس معجب جدا بالانسان قوى الشخصيه

بكرها الانسان السلبى

احلامى اسافر امريكا واعيش هناك

بس كده

[

الله عليك يامريخ منتدانا بس انت مش مريخ منتدانا بس لا وقمرة كمان ونتمنى ان يعجبك منتدانا وموضوعك شيق جدا والله بس انت معرفتش نفسك كويس بس على العموم انا هبتدى اقول
الاسم :- احمد عبد الله نافع
السن :- 21
الوظيفة :- مدير المنتدى
الحالة الاجتماعية :- اعزب وبدور على عروسة
ميولى :- مختلفة بس ممكن تكون سياسية شوية
الهوايات :- كرة القدم على الرغم انى مش بعرف العبها بس بحبها وكمان السباحة وخاصة فى البانيو
ونفسى احقق احلامى كلها وهى بسيطة اوى
1- اخش الجنة
2- انجح فى حياتى والمنتدى بتاعى
3- اتزوج امرأة صالحة
3- مش عاوز حد يزعل منى فى الدنيا كلها
بس هية دية امنياتى ومش عاوز فلوس غير الى احتاجة يعنى كفاية اشترى فيلا وعربية اخر موديل وشالة فى الساحل الشمالى وكمان واحد فى شرم
بس كدا ويارب المنتدى كلة يشارك فى الموضوع الجميل دة
مع تحياتى لكم

أرسل أصلا بواسطة الفتي الطائش

اقتباس :: مشكور اولا على الموضوع

أخجلتم تواضعنا Embarassed

اقتباس :: بحب الالقاب الحلوه

من هنا ورايح هنقولك ياريس Smile

اقتباس :: احلامى اسافر امريكا واعيش هناك

البلد دي أحسن من غيرها ياريس Shocked

أرسل أصلاً بواسطة المدير العام

اقتباس :: الله عليك يامريخ منتدانا بس انت مش مريخ منتدانا بس لا وقمرة كمان

شكرا يعمنا الكبير
أنا كده هبتدي اتغر

اقتباس :: كمان ونتمنى ان يعجبك منتدانا

أكيد طبعاً عجبني
واتمني ألاستمرار فيه
شكرا ليك

اقتباس :: بس انت معرفتش نفسك كويس

أهواعلي أدي
أصلي بعيد عنك ملقتش حاجه اكتبها عن نفسي
تقدر تقول لأني لحد دالوقتي نكرة
ملياش انجازات يعني
بس أول ما ألاقي في حاجه تستاهل التعريف اكيد هقولها

اقتباس :: على العموم انا هبتدى اقول
الاسم :- احمد عبد الله نافع

تشرفنا

اقتباس :: السن :- 21

زي حالاتي يعني

اقتباس :: الوظيفة :- مدير المنتدى

ربنا يوعدنا ياراب

اقتباس :: الحالة الاجتماعية :- اعزب وبدور على عروسة

أخيرا لقيت فتي احلامي Neutral

اقتباس :: ميولى :- مختلفة بس ممكن تكون سياسية شوية

اللهم أحفظنا Crying or Very sad

اقتباس :: الهوايات :- كرة القدم على الرغم انى مش بعرف العبها بس بحبها وكمان السباحة وخاصة فى البانيو
ونفسى احقق احلامى كلها وهى بسيطة اوى
1- اخش الجنة
2- انجح فى حياتى والمنتدى بتاعى
3- اتزوج امرأة صالحة
3- مش عاوز حد يزعل منى فى الدنيا كلها

لا فعلاً
منتهي البساطة والتواضع Razz

اقتباس :: بس هية دية امنياتى ومش عاوز فلوس غير الى احتاجة يعنى كفاية اشترى فيلا وعربية اخر موديل وشالة فى الساحل الشمالى وكمان واحد فى شرم
بس كدا

كويس انه بس كده
لحسن انا كنت قربت اعيط

اقتباس :: بس كدا ويارب المنتدى كلة يشارك فى الموضوع الجميل دة

من حروفك لباب السما

اقتباس :: مع تحياتى لكم

وليك

السلام عليكم ورحمة الله وبركاته
الله عليك يامريخ والله بجد مشاركة جميلة جدا والصراحة انا مش عارفة ارد بايه
على العموم انا سبايدر وانت عارفني كويس يا مريخ
ليه سبايدرمعرفش الاسم اللي جيه على بالي ساعتها
انا بحب العلم والحمد لله احصل العلم عبادة (وكمان بهدله)
والحمد لله الامتحانات قربت والحمد لله مش عارفه اي حاجة في اي حاجة
اي معلومات اخرى حجبت لعدم الاهمية ولعدم وجودها من اساسه

عضو فضى عدد الرسائل : 74 تاريخ التسجيل : 05/04/2008

السلام عليكم
والله موضوع جميل من المريخ الى الارض والى منتدانا
وفعلا مميز ودايما متألق معانا انت كدا هتخلينى اسيب الاشراف وادهولك
وانا عن نفسى كنت كتبت سى فية كامل ليا ولاكنى ممكن اقول تانى
انا دينا 22 سنة محامية مخلصة كلية حقوق وبحب السباحة وبحب المنتدى
ومدير عام المنتدى وبحب كل اعضاء المنتدى ويارب التألق مستمر

أرسل أصلاً بواسطة spider

اقتباس :: السلام عليكم ورحمة الله وبركاته

وعليكم السلام ورحمة الله وبركاته
علي فكره
عرفتك من السلام بتاعك Smile

اصل مفيش حد بيكمل السلام في المنتديات عادة غير أقليه

اقتباس :: انا بحب العلم والحمد لله احصل العلم عبادة (وكمان بهدله)

أه والله

اقتباس :: والحمد لله الامتحانات قربت والحمد لله مش عارفه اي حاجة في اي حاجة

ليه بس بتفكرنا بالموضوع ده Mad

اقتباس :: اي معلومات اخرى حجبت لعدم الاهمية ولعدم وجودها من اساسه

أزاي بس مش مهمة
ده أنت سيد الناس

أرسل أصلاً بواسطة دينا

اقتباس :: السلام عليكم

وعليكم السلام ورحمة الله وبركاته

اقتباس :: والله موضوع جميل من المريخ الى الارض والى منتدانا

اقتباس :: انت كدا هتخلينى اسيب الاشراف وادهولك

وانا أطول
ده الكبير كبير برده

السلام عليكم ورحمة الله وبركاتة

والله يا جماعة أنا سعيدة جدا بالمنتدى دة
وأتشرفت بأنى بقيت عضوة فيه
هو الموقع صراااحة مميز فى كوووووووووول حاجة حتى وانت بتسجل فيه .
المهم أسمى أميرة
مش هقوووول كام سنة ( أسترو عليااا ربنا يستر عليييكوا وما يفضحلكو وليه )
بكالريوس تجارة قسم محاسبة وحاليا بحضر تمهيدى ماجيستري
وطبعا مشرفة هنا فى قسم تنمية بشرية ( حبيبكو النبي تيجوا تزرونا )
عملت حاجااات كتييير وليا هويات كتير
على رأس هواياتى الرسم أنا بعشق الرسم
وفن الديكور وحاليا باخد دورات فى فن الديكور
بكتب خواطر وقصص قصيرة والحاجات بتاعت الناس الحبيبة دول اللى بيحبوا ويعيشوه وهووووووب يتفرقعوا يقوموا يطلعوا همهم فى الكتابة .
بحب البحر والتأمل وتحليل الشخصيات والشيكولاتة وبعشق الاطفال وخاصة الاطفال السووود اللى سنانهم بيضا وشعرهم مكركت مش عارفة اية سر حبي ليهم بس بحب خفة دمهم .
أشتغلت فترة فى الصحافة فى جريدة اقليمية بس ما عمرتش فى الشغلانة لأسباب خااصة .
بحب السفر وبحب أسمع لفيروز ونجاة وكااااااظم الساهر وبراين أدمز وداين مارتن والملكة طبعا سلين ديون ..
أخدت دورات كتييير فى الكمبيوتر والصيانة والتنمية البشرية والتنويم بالأيحاء
وربنا ييسهل وأبقى أنستراكتور تنمية بشرية _ دة هدف من أهدافى القريبه _
( أصل أنا ليا أهداف قريبة وأهداف بعيييييييييييده )
وكفاية كدة عشان تعبت ..
وياللى بقا أسمى أميرة وعندى 26 سنة وأكيييييييييييييييييييييييييييييييييد بدور على عريس

[size=24]السلام عليكم ورحمه الله وبركاته[/size]

ازيكم وبجد موضوع جامد اووووى من عضو مميز من منتدى رائع

انا عمرو (طبعا دى الاسم الحركى) 20 سنه كليه حقوق جامعه الزقازيق(يارب اخلص منها ومن البلد بتاعتها) بحب الرياضه وخاصه الكوره وكمان الكمبيوتر

بس بجد انا فرحان انا موجود وسط اعضاء زى العسل كده ومنتدى احلى بكتير وفى الاخر

اتمنا التوفيق لكل الاعضاء..... Very Happy

.

أخي:

×?°عمرو×?°

اسمح لي بأن أحييك .. وأرحب بك
فكم يسرنا ويسعدنا انضمامك لعائلتنا المتواضعة

التي لطالما ضمها منتدانا الغالي على قلوبنا

وكم يشرفني أن أقدم لك .. أخـوتنا وصداقـتـنا
التي تتسم بالطهر والمشاعر الصادقة
التي تنبع من قلوب مشرفيّ وأعضاء
هذا المنتدى السامي

أهــلا بك

اهلا بيك يا عمرو والله المنتدى نور
ودايما ان شاء الله معانا فى بيتك

السلام عليكم

ساره بترحب بالاعضاء الجدد وانا اصلا جديده يعنى من الاخر عايزه اى حد يرحب بيا

فى المنتدى وخصوصا البنات انا الحقيقه شايفه بنات كتيير فى المنتدى ارجوا التفاعل معى

شكرااا ليكم على الاستقبال الجميل ده من اعضاء انا بعتبرهم زى اخواتى وانا بعتبر المنتدى ده بتاعى ودى معلومه جديده انا بدات اعمل دعايه للمنتدى فى مواقع تانى كتير على الشات ويارب اقدر اخليه احسن منتدى فى الدنيا لان كفايه اعضاء المنتدى الى بجد انا حاسس انى اعارفهم من زمان اوى وانا لسه مشترك انهاارد وارجو منكم زياره مواضيعى فى قسم البرامج لان رايكم يهمنمى
معلش انا رخم اوى وطولت اوى
واخر الكلام وافضله هو السلام

يا سلام ده احنا كلنا اخواتك ياعمرو طبعا المنتدى بتاعك وبتاع كل الاعضاء وعلى فكره المنتدى ده منكم واليكم يعنى مافيش حد يقدر يفرد علينا اى حاجه احنا اللى متحكمين فى كل حاجه

ولو فى اي حاجه مش عجباك او اى اقتراح قولنا عليه ونعرضه على الاعضاء ويتنفذ انشاء الله تعالى

السلام عليكم منورة المنتدى يا سارة

وكمان الى منورانا دايما والله وعضوة ممتازة جدا مشرفة التنمية البشرية الدكتورة اميرة

وربنا يوفقك ودايما فى تألق

تعالوا نتعرف بشكل عملي W6w_w6w_2005050321445632512519ff98

والله منورنا يا عمرو وانت فعلا فى بيتك ودة فى الاول والاخر منتدى كل الاعضاء

ويارب دايما مميز ومعانا على طول

إيه النور ده كله
ساره
وعمرو

احمدك يارب Surprised

عقبال يارب كل الناس
وأشوفكم ديماً علي خير
وخصوصا بعد الأمتحانات Sad

ربنا يعديها علي خير Rolling Eyes

السلام عليكم ورحمة الله وبركاته
انا برحب بالاعضاء الجدد (وان كان متاخر بس معلش اصل النت كان فاصل عندنا) واحب اقول للاستاذ عمرو ليه عايز تخلص من الزقازيق هو حضرتك مش ممن الشرقية والله الشرقية جملية بس زحمة شوية على العموم اهلا بيك في المنتدى ويارب يوفك وتخلص على خير
واهلا بيكي ياحلى سارة في المنتدى ويارب منورنا دايما على طول

اقتباس :: السلام عليكم منورة المنتدى يا سارة

وكمان الى منورانا دايما والله وعضوة ممتازة جدا مشرفة التنمية البشرية الدكتورة اميرة

وربنا يوفقك ودايما فى تألق

يا فندم شهادة حضرتك أعتز بيها ... ودة من بعض توجيهات سيادتك سعادة المدير ... الصراحة منطقة التمنية البشرية دى فعلا بلاقى نفسي فيها وإن شاء الله فعلا أقدر أعمل حاجة ... نفسي بجد أبتدى بنهضة لنفسي وللى حوليا أغير وأتغير ..
ربنا المستعان ويعننا جميعا بأننا نوصل بالمنتدى ويبقى منتدى فعال ومفيد لكل اللى يدخل عليه ... من موقعى هذا أحييكم lol!

أميرة أبو العاااافية cheers

... تنمية بشرية king

..
أخدنى الكلام ونسيت أحى الأاعضاء الى منورين المنتدى سارة وعمرو أهلا بيكو وفى أنتظار مشاركاتكم فى قسم تنمية بشرية ومنتظرين أرائكم وبصماتكم اللى أكيد هنتشرف بيها ..

عضو فضى عدد الرسائل : 74 تاريخ التسجيل : 05/04/2008

السلام عليكم اهلا بكل الاعضاء الجدد الى فى المنتدى

ومنورين

بعد السلام عليكم
موضوعكم جميل جدا وشيق جدا وفكرته حلوة كتير وانا سعيد جدا لانضمامى ليكم واسمحولى اقدملكم نفسى
اسمى Scorpion
العمر 24
الحالة الاجتماعية : اعزب
الوظيفة : محاسب قانونى وخبير ضرائب
اولى دبلوم الدراسات العليا محاسبة مالية الاسماعيلية
المدينة : العريش وبحبها موووووووووووت وبفتخر انى منها
الهواية : كورة القدم - الاسكواش - الشطرنج- السفر
اموت فى الهدوء واحب الشعر وبعشق الجمال الطبيعى

وهذه هي أول خاطرة
سأكتبها
عن نفسي وسأبدأ بها لكي أعرفكم على نفسي........

بعنوان(هذا أنااا)

كلما رأيت الغيوم تمتد في السماء....

بلونها الرمادي أو الأسود كلاهما سواء....

وكلما رأيت الليل وهو يخيم على الصحراء....

ومن بينه أسمع أنين الرياح الهوجاء....

وكلما رأيت غروب الشمس يعلن دخول المساء....

بظلمته الحالكة والقمر من وسطه مضاء....

تذكرت نفسي المليئة بجروحي ....

تذكرت رحلتي الطويلة مع توأم روحي....

تذكرت أحزاني تشاطرني كل لحظة أعيشها....

تذكرت قلبي الذي لامني على مشاعر أفيضها....

وتذكرت دموعي التي باتت لاتبرح مكانها....

هذا هو حالي الذي أراه في تلك المناظر....

هذا هو أنا لمن يجهلني أو لمن يعرفني ويكابر....

هذا أنا أكون بفرحي طيرا أرفرف....

وفي حزني وصمتي جرحا ينزف....

نادرا ما أبوح بما في نفسي لأفرج عن قلبي وبحالي أرأف....

لأني كثيرا ما أندم على بوحي وأأسف....

هذا أنااا............

قد أفصحت عن نفسي ونزعت عنها الستائر ....

ليرتاح ضميري وتهدأ من حولي الضمائر....

لم أخفي في حناياها سرا ولم أدعيها ولم أكتبها وأخطها بقلمي كي بها أفاخر.....

لا..... بل لأظهر حقيقتي وأمحو اتهام الزمان لي وحكمه الجائر.....

التوقيع :
إن جف من بعدي عطري في زهراتي
فلتبقى ذكراي مع قلمي وكلماتي.