اداره الذات ..اداره العقل

اللللللللله .....ايه الموضع الجامده ده يابوحميد... فنان يابني والله

السلام عليكم .. ومساء الخير عليكو واحتياطي صباح الخير برضه
بصراحه موضوع ممتاز .وطبعا ده المتوقع منك يااحمد .. انا حبيت ابدي اعجابي الشديد بمواضيعك المتميزه .. اللي بيعجبني فيها اكتر حاجه خطك ..بصراحه خط جميل جدا.. لا وايه الكلام كله تحت بعضه ومنسق ومفيش اي اخطاء املائيه يعني بجد حاجه غريبه جدا ..........
ومره تانيه بحييك ... بس مقولتليش هوه الموضوع بيكلم عن ايه

صراحه يااحمد حسن انا مسجلتش في المنتدي ده غير عشان مواضيعك والمقالات اللي بتكتبها .... واضح انك بتتعب اوي وانته بتكتب الكلام ده في المواضيع الصعبه دي .... بس الاكيد انك مثقف ومطلع وذكي ومبدع بصراحه فنان حقيقي ... اوتوجراف بقي والنبي

متشكر متشكر ياجماعه ... عارف والله اني كل ده واكتر من كده كمان بس ده ياجماعه العادي بتاعي مش اكتر امال بقي بقي هتقولو ايه اما تعرفو المهارات التانيه والاخلاق العاليه والامكانيات الجباره ... بس انا بحب بطبعي متواضع ياجماعه .. معلش مش هقدر اوقع علي اوتوجرافات بس احب اقول ان ده مش من فراغ .. فكر في جمال الشئ اللي عايز توصله قبل ماتفكر في صعوبه الحصول عليه ...من هنا بيهون اي تعب او الصعوبات اللي بتتكلم عنها ...مفيش حد تاني عايز ينفعنا ياخوانا

استنــــــــــــــــــــــو ياجمــــــــــــــــــــاعه
اهو هوه ده الحقد اللي بيقولو عنه .. بس مكنتش مستنيه منك يامدير .. هتحقد عليا كده من اول موضوع امال هتعمل ايه اما ابقي صاحب منتدي ...........
انته متخيل اني انا اللي برد علي نفسي .. اكونش اتجننت من ورايا وبقيت بكلم نفسي
ده جمهورررررري يامدير هوه اللي انته شايفه
اقولك انا مش هرد عليك انا هسيب جمهوري الحبيب هوه اللي يرد ..... ردو عليه ياجماعه
...............مفيش حد هيرد ولا ايه

موضوع إدارة الذات بالفعل هو ألف باء تنمية الموراد البشرية .. علشان أقدر أنجح في حياتى عامة
لأزم أعرف أدير ذاتى إزاى ...؟؟!!
والسؤال اللى بيطرح نفسه هنا أيه هيا الذات ؟؟
الذات عبارة عن 3 حاجات ( عقل + الجوارح + القلب )
وفي 3 حاجات برضو بيأثروا على الذات تأثير مباشر وللأسف ساعات بيبقى صعب على الواحد أنه يلاحظهم
وإذا لاحظ دة بيواجه شوية صعوبات علشان يتغلب عليهم بس إن شاء الله هنوصل مع بعض إن ما فيش صعوبات
بقوة أعتقادنا زى ما تفضلت يا أحمد مشكور وقولت وبيقيننا بالله سبحانة وتعالى ..
الحاجات اللى بتأثر على الذات هما ( النفس الامارة بالسوء - الهوى - الشيطان )
وكل حاجة من المؤثرات دى ليها تخصص وهدف و علاج ...
على سبيل المثال عشان الصورة تبقى أوضح للكل ...

أولـاـً :- "النفس الأمارة بالسوء"
تخصصها : النفس البشرية .
هدفــــــها : تدمير الفكر والعقل والبدن ومخالفة أوامر الله .
لو كل واحد بص فى حياتة هيلاقى تأثيرها باين قوى ودايما رد اللى عايز يبرر لنفسه
" أنا عارف إن ده غلط بس أتعودت عليه .." الحقيقة هي نفسه الامارة بالسوء
وحللها العلماء بأن المتعود على المعصية بيفضل يعصى الله فى رمضان
رغم إن الشياطين بتسلسل يعنى ما حدش بيوسوس غير نفسه .

علاجـــها : 1- أديها حقها ..بمعنى أشوف العادة السيئة اللى مش قادر أستغنى عنها وأدورلها على بديل شرعى
أو بديل يشبعها ويشبع غرورها ..
2- مخالفتها ... بأنى أعمل دايما عكس اللى نفسي عايزاة
وفى رأى رواد التنمية الشرية إن الانسان لو كرر هدفه أو الحاجة اللى عايز يبطلها
أو كرر تطبيقها من 7 ألى 21 يوم بتبقى عادة أتعود عليها وثبتت فى معتقده وفى خط إطارة الزمنى .

ثانيـــــــــاً :- " الهوى "
التخصص : العقل .
الـــهـــدف: تدمير القرارات العقلية .
العــــلاج : 1- أتحاور مع العقل بالعقل مثلاً لو أصريت على الشئ ده أيه المكاسب وأيه الخسائر ؟
يا ترى هكون راضى عن نفسي ولا لأ ؟
أنا عايز أعمل الأامر ده ليه ؟ هلى لمجرد إرضاء غرورى ولا فعلا دى رغبة داخلية ؟
2- الحوار مع العقل بكتاب الله وسنة حبيبه وصفيه محمد .
3 - محاولة طرد الخبيث منه .

ثــالــثــاً :- " الشيطان "
التخصص : مجرى الدم . لقثول رسول الله صلى الله عليه وسلم : " إن الشيطان يجرى من إبن أدم مجرى الدم "
الــهــدف : 1- الغواية لقولة تعالى :" وعزتك لأغوينهم أجمعين * إلا عبادك منهم المخلصين "

2- إنه يوصل ابن أدم للشرك وللأسف كتييير منا بيقع فى ده ..
بكذا وسيلة إنى أحلف بحياه حد أو بأى شئ غير الله ..
وفي أشكال كتييييييييييير للشرك إن شاء الله ينزل موضوع بيهم فى المنتدى الاسلامى .

3 - يوصلك للكفر والعياذ بالله .
لقوله تعالى " كمثل الشيطن إذ قال للإنسا أكفر فلما كفر قال إني برئ منك إني أخاف الله رب العالمين

وللأسف كتييييييير مننا بيقع فى ده وتلاقيه يقولك " أنا الحمد لله كويس كدة بصلى وبصوم
وما بعملش حاجة وحشة "
أنه بيصلى ويصوم كويس ... وكمان أنه ما بيعملش وحش كويس ... لكن اللى مش كويس أنه راضى عن نفسه كده وهو فى الحقيقة لا بيعمل وحش ولا حلو " أذكر نفسي وإياكم "
أنا واحدة من الناس كنت بقول أنا كويسة قوى كدة وأحسن من غيرى كتييير لكن الحقيقة أنى كنت أسوأ من غيري كتييييييييييييييير .

الاعداء دول يا جماعة كلها أعداء داخلية يعنى كلها داخل ذاتى البشرية التى بتحدثنى أنا وبس .
فى أعداء تانيين للذات .

أعداء الذات الحارجية :
1-" الدنيا "
الهدف : إمتلاك القلب وتجعلة تابعاً لها
العلاج : أخذ المحمود منها وترك الخبيث ونزع ما تبقى منها من أثر في القلب.

2- رفيق السوء :
الهدف : تزيين المعصية .. وجر صاحبة الى طريق السوء سواء بقصد أو بدون قصد .
العلاج : طبعا معروف العلاج يا أما إصلاحة يا اما الابتعاد عنه واستبدالة .

3- المثبطين ( المحبطين ) :
وبينى وبينكو أنا بعتبر المثبطين على قائمة أعداء الذات
الهدف : الأحباط فى تحقيق الهدف المنشود لأى سبب برضو .. ممكن يكون اللى قدامك بيحبطك لأنه غيران من نجاح أو حاقد أو شايف أنك بتحفر فى الصخر وأن اللى بتعملة بدون قيمة أو.. أو.. أو ...

العلاج : 1-عدم السماع لهم .. وما تديش أى قيمة لأرائهم بس من غير ما تحسسهم بكده لأن ممكن يكون المثبطين دول حد من أقرب الناس ليك وبيكون الخطر أقوى لأنك بالتأكيد هتكون واثق فى رأيهم .
2- على حسب أهمية الهدف اللى قدامك وأقتناعك بيه ..
قال تعالى : ولا يستخفنك الذين يوقنون "
فيما معنى الايه أنك ما تدي الفرصة لحد أقل علماً أنه يستخف بيك وبقدراتك وبذاتك ..

إضافة أخيرة يا جماعة إنى عشان أوصل صح للى أنا عايزة أعمل 3 خطوات رئيسية أنا عن نفسي كتباهم فى أغلب أجنداتى اللى متعودة أدون فيها خططتى وأهدافى :
1- بذل السعى الصحيح وده بيكون بالعقل والبدن ... يعنى مجهود ذهنى وبدنى ..
هدفك لازم تديله علشان يديك .
2- تفويض الأمر لله وده بيكون بالقلب .
3- التوكل على الله .. الربط بالمسبب (( الله )) وليس السبب .

(( النتيجة ))
الرضا بالنتائج سواء كانت نتائج ناجحة أو غير ناجحة ... هيوصلنى أنى أصبر ... يوصل ألى شكر الله
يوصل الأمر للشعور بالسكيننة فى الذات ( العقل - القلب - الجوارح )