حبيبتى هونى على نفسك .......
الدنيا ما تساويش ع المولى عز وجل جناح بعوضة ...
ما نجيش إحنا ونديلها أكتر من حجمها .....
والرسول عليه الصلاة والسلام قال : كلكم ذو خطأ وخير الخطائون التوابون "
كلنا بنخطأ وبنقول كلام لناس المفروض ما يتقالش وبنتصرف تصرفات
بتنافى طبيعة شخصياتنا ... وبنرجع وبنندم وبنقول أية اللى خلانا نعمل كده ..
الاهم من ده كله أنك تدرك المشكلة فييين ؟؟ ...
طيب أنا عرفت المشكلة فين .... أحلها إزاى ؟!!!!
الرسول صلى الله عليه وسلم لما جاء له صحابى وقال يا رسول الله أوصنى
كان متخيل ان الرسول هيقولة صلى زيادة أو يعبد ربنا غير بشكل معين غير الناس
صلى الله عليه وسلم قاله لا تغضب .. وكررها أكثر من مره
الغضب .... دى أكتر حاجة بتخرجنا بره شخصياتنا الحقيقية ...
وكتير مننا ما بيقفل مخه أن اللى قدامة هو اللى غلطان وبيصر على موقفة ورأية
ومن هنا هى المشكلة ......
أنا شخصيا ماشة على مبدأ قوله تعالى :
( إدفع بالتى هى أحسن فإذا الذى بينك وبينه عداوة كأنه ولي حميم )
واللى أعرفه عنك إنك بتدى من غير مقابل .. وجدع مع الناس كلها ..
ومميزات تانية المفروض إنها تكون بترفعك لفوق مش تخلى ثقتك بنفسك تتهز .
مبدأ فى البرمجة العصبية إن الأحداث اللى بتحصل فى المستقبل بتكون نتيجة لتوقعاتنا الحالية
بمعنى لو توقعاتك الحالية توقعات سلبية .. بالتأكيد هتكون النتيجة مش مرضية .
أما لو توقاتك إيجابية ... أكيد النتيجة بتكون فوق توقعاتك ..
والشاهد هنا حديث نبينا وسيدنا وحبيبي محمد صلى الله عليه وسلم :
( تفائلوا بالخير تجدوه ) ...
هديك مفاتيح تحاول تمشى عليها لما تحس أنك غضبان من حد :
1- عد من 1- 10 بطريقة عكسية .
2- خد نفس عميق فى تمن ( عدات ... وأكتم النفس فى عدتين (2) .... وخرج النفس فى أربع عدات (4) .. وكرر تمرين النفس ده من مرتين الى ست مرات .. 3- حاول تتخيل بسرعة اية أسوأ حاجة ممكن تحصل لو طلعت غضبى ...
واية هى أفضل حاجة ممكن تحصل لو كتمت غضبى دلوقتى وعاتبت بعدين بطريقة أكثر هدوئا ..
4- إفتكر دايما إن غضبك دة ممكن يوصلك إن تنعزل عن الناس .. وده فى حد ذاتة مش كويس .
5- إحتسب الأجر دايما أفتكر قوله تعالى ( والكاظمين الغيظ والعافين عن الناس ).
والعفو هنا مش بمعنى انك تسامح فلان ... لأ العفو هنا أشمل وأفضل كتييير من التسامح
أنك تنسى أصلا أنه عمل حاجة فيك فى يوم من الايام ...
أخيرا أفتكر دايما أن الحياه جسر يوصلنا لحياه أبقى ..
وتذكر ...
عيش بالايمان ... عيش بالأمل .. عيش بالكفاح .. عيش بالحب .. وقدر قيمة الحياة