كيف اصبح محاسبا ناجح ومتميز ... موضوع مهم ..شارك واستفيد

بسم الله الرحمن الرحيم

اولا : احب اشكر احمد عبد الله علي مجهوده الرائع وهدفه النبيل .... واحب اباركله علي نجاحه
_
انشاء الله _ اللي متوقعه ليه مش عشان حاجه غير عشان اجمل واروع مجموعه
مشتركين واعضاء ومشرفين ...انا متاكد ان كلهم زيي بيعتبرو الموقع ده
بتاعهم هما مش بتاع احمد .. لا ده بتاع روح الهوي واميره وهبه ومصطفي نافع
وسبيدر...وبتاع امجد ونبيل وعماد الدين ووليد وموني وساره
ومروه وروز وسلمي وزينة ... و...و.... مش عايز انسي حد ......

اقولكو المنتدي بتاعي وخلاص ... واحمد عبدالله ده شغال عندي بالاجره ............
المهم
واللي عايز اقوله ان بجد لو فيه حد يستاهل الشكر يبقي هما المشتركين اللي
هدفهم واحد وطموحهم واحد هوه نجاح المنتدي ....و عجبتني مواضيعهم وافكارهم
وارائهم ... بس احب احذرهم وانبهم من الحماس الزايد ده ...
لان احمد عبدالله باشا ناوي بعد كده يدخلنا بفلوس ..ده اذا دخلنا اصلا
.................عشان كده انا بقول نعمل انقلاب وتعينوني رئيس مجلس اداره
المنتدي وانا هوعدكو بالتطوير والرخاء والسلام اللي هيعم المنتدي _وعد مش
حكومي _......

ثانيا : حبيت اشارك في
القسم ده تحديدا ولو بجنيه ..قصدي يعني ولو بجمله ..بس زي مانتو عارفين
اني مش بحضر _عشان بخطط للانقلاب ومفيش وقت احضر_ فحبيت اني احط موضوع
يمكن يفيدكو ... وبيني وبينكو ده اهم حاجه للمحاسب اللي عايز شهاده تعلي
مركزه وقيمته في سوق العمل او لو فكر يخلع بره ... وبرضه ده هديه بسيطه
لاحمد عبدالله عشان كان طلبه مني قبل كده _لازم برضه نعمي عنيه عشان ميحسش
باي انقلاب لحد مانفاجأه _ .
ياجماعه انا فاكر كلمه للدكتور اشرف حلمي
واحنا في البكالوريوس _طبعا عارفين مين اشرف حلمي_ قالنا انتو فاكرين اما
تتخرجو وتاخدو البكالوريوس كده يبقي اسمك محاسبين .... امال ايه يادكتور
.. لاياشاطرين انتو كده ولا حته كتبه في الارشيف ....................يعني
ايه يادكتور ؟؟؟؟ يعني عشان تبقي محاسب ليك اسمك _ده لو فكرت تبقي محاسب
صح_ يبقي لازم تدرب في مكتب محاسبه وتاخد خبره ولازم تحاول تسجل في السجل
العام للمحاسبين والمراجعين .......

السلام عليكم

اقتباس :: اولا : احب اشكر احمد عبد الله علي مجهوده الرائع وهدفه النبيل .... واحب اباركله علي نجاحه

شكرا يا حبيبى وبعض ما عنكم

اقتباس :: اقولكو المنتدي بتاعي وخلاص ... واحمد عبدالله ده شغال عندي بالاجره ............

ماشى انا مستعد هتدينى كام فى الشهر

اقتباس :: لان احمد عبدالله باشا ناوي بعد كده يدخلنا بفلوس ..ده اذا دخلنا اصلا

ههههههههههههههههه

ماشى هيحصل بس مش كل المشتركين حبيبى الى زيك بس

اقتباس :: عشان كده انا بقول نعمل انقلاب وتعينوني رئيس مجلس اداره
المنتدي وانا هوعدكو بالتطوير والرخاء والسلام اللي هيعم المنتدي

ماشى يا سيدى اية حكاية الانقلابات الى كل شوية منك ومن المريخ اوك ممكن اشارك معاكم فى انقلاب Sad

اقتباس :: قالنا انتو فاكرين اماتتخرجو وتاخدو البكالوريوس كده يبقي اسمك محاسبين

والله عارف بس هنعمل اية انصحنى يا معلم عاوز اتدرب فى مكتب محاسبة دلونى ونفسى اكون محاسب ناجح بجد مش شهادة وبس

واحب اقول لحبيب عمرى احمد حسن شكرا وانت بجد دايما بتبدعنا بمواضيعك

ومستنيين ازاى نبقى محاسبين فى ردودك

على العموم شكرا ليك وعاوز ردك

كيف اصبح محاسبا ناجح ومتميز ... موضوع مهم ..شارك واستفيد 4

خلينا ناس عمليين ونخش في الموضوع علطول لانه بجد انا شايف انه من اهم الموضوعات اللي تمسنا كمحاسبين وخريجين من كليه اسمها كليه التجاره .. وبشكرك لتاني مره يااحمد ..بس المرادي لانك بجد اثرت موضوع مهم جدا جدا وفتحت دايره للحوار واكيد انشاء الله هنسمع اراء مفيده واتمني نشارك كلنا في الحوار ده لانه هيفيدنا كلنا ..... بالنسبه لسؤالك ده يااحمد ...
يمكن ياحمد ده كان اول سؤال سالته بعد ماتخرجت ...ويمكن قبل مااتخرج كمان ..وكتبته عالنت بعد فتره يمكن اعرف الاجابه ... واكتشفت ياباشا اني مش لوحدي اللي عنده نفس السؤال ...... لقيت واحد ضيع من عمره 12 سنه لحد مالقي الاجابه ... هنقلها ليك قبل مايضيع من عمرك انته كمان زيهم عشان توصل ليها :
[size=18]اخى العزيز انصحك نصيحة كنت اتمنى ان حد ينصحنى بيها من 12 سنة
[/size]عايز فلوس دلوقتى و تتعب بعدين او انت ونصيبك و لا عايز تتعب دلوقتى و ترتاح بعدين
عايز فلوس دلوقتى دور على شغل فى القطاع الخاص و استحمل حتاخد مرتب معقول و حتكبر واحده واحده بس فى احتمال يبيعوك فى اى لحظة او المنشاه تقفل لان ده القطاع الخاص و خبرتك بتكون مستمده منه فقمتك فى المكان بتزيد للمكان مش ليك
عايز تتعب دلوقتى و ترتاح بعدين :
دور على مكتب محاسب قانونى تمارس فيه المحاسبة و بعد 3 سنين تدخل اختبار و تاخد رقم و تكون محاسب قانونى و ساعتها تتفوق على اللى بيكون اختار الاتجاه الاول و بقالوه اكتر من 5 سنين فى المنشاءة
و يا سلام لو تزود ده كله باللغة و اكيد بالكمبيوتر
و لو اضفت للاختيار الاول او الثانى دراستك لشهادة مثل Cma كده تبقى انت عديت ممكن تدرسها فى سنه و نص او سنتين لغاية 4 سنين و ده حتختصر لك كل اللى فات و تفتحلك الباب امام الشركات المالتى ناشيونال
كل الطرق امامك اختار و ربنا يوفقك

اما بالنسبه للمستندات المطلوبه للتسجيل في السجل العام للمحاسبين والمراجعين فهي كلاتي :

الأوراق المطلوبـــة لمحاســـب تحـت التمــريــن

أولا :- أوراق شخصيــــة

اصل المؤهل الدراسى

اصل شهادة الميلاد

اصل شهادة التجنيد

صورة البطاقة الشخصي

صحيفة الحالة الجنائية بأسم /مدير عام المحاسبين والمراجعين بوزارة المالية

ثانيــــــا

حوالة بريدية حكوميه بمبلغ 40و1 قرش باسم /مدير عام سجل المحاسبين والمراجعين بوزارة المالية

ثالثـــــــا

إقرار تفرغ + دمغه بـ 1ج

رابعــــــا

شهادة من المحاسب القانونى بالصيغة القانونية + دمغه بـ 1 ج
( بتوقيع المحاسب وختمه معتمده من نقابة التجاريين(

خامســــــا

خطاب من التأمينات مختوم بختم واضح من التأمينات موضح به الاتى:
- اسم المحاسب القانونى
- رقم المنشأة
- اسم المحاسب الذى يؤدى التمرين
- الرقم التأمينى الخاص ب
- تاريخ بداية التأمين عليه

سادســـــــا

طلـــب قيــد

احب في بادئ كلامي اني اشكر ابو عبد الله واحمد ابو علي على اثارت الموضوع ده لانه بجد اللي يتلسع من الشربة ينفخ في الزبادي ، لو تقدر تنصح حد اصغر منك او اكبر منك في توجيهه الى حوار او سكة تنفعه وتفيده ليه لا . من هنا احب اسألكم سؤال صغير ؟

في كام محاسب في ج . ع بس ؟؟؟ مئات ، آلاف ، ملايين !! بس فيهم كام واحد فاهم يعني ايه فن وشرف المحاسبة ؟؟؟؟ هتلاقيهم يتعدوا على الأصابع إذ لم يكن عدد الأصابع أكثر منهم عددا .

نصيحتي ليكم يا شباب وخصوصا ان في هدف موحد جمعنا كلنا في شهر 9 اللي فات وهو انا احنا عاوزين نرتقي بمستوانا الذي لم يرسم للبعض منا في مهنة المحاسبة والعمل بشكل عام حتى الآن ، مش معنى ان انا في الماجستير او اني حصلت على الدرجة دي من العلم اني كده بقيت في مكانة كويسة بالعكس لما نوصل ان شاء الله للدرجة دي ده معناه ان في مسؤولية اتحطت على اكتافنا كلنا وهي ان احنا لو مقدرناش نطور انفسنا واللي حولينا في المحاسبة ، على الأقل نوقف الغلط اللي كتير منا عايم فيه لغاية دلوقتي .

خلاصة القول في شهادات تتماشى بجانب الدراسة اللي احنا ماشيين فيها في الوقت الحالي والشهادات دي مكلفة شوية بس اكيد ها ترفع من مستواك العلمي والمهني في وقت واحد واللي اتفضل اخي العزيز احمد بالتنويه عنها وهي شهادة CMA ودي من الشهادات المنخفضة القيمة بس عالية في تأثيرها على حاصليها .

وانا شخصيا كان ليا سابقة مشاركة في شهادة ارفع منها وهي شهادة CFA وان شاء الله ربنا يكرمني وادخل امتحانها في شهر 12 اللي جاي (دعواتكم ليا ) بجد الحوار محتاج تضحية جامدة ماديا ومعنويا ونفسيا بس في نفس الوقت Just انك تخلص هتلاقي نفسك فوق فوق وفق وممكن تعمل الانقلاب الي انت عاوزه يا ابو حميد وتتعامل في اي حاجة .

وان شاء الله الموضوع الجاي ها اديكم السكة اللي انا مشيت فيها علشان حوار الCFA ده لعل وعسى اذا كان فيكم حد عاوز يكمل في السكة دي بجانب الماستر اللي احنا فيه .

شكرا لكم جميعا

صحيح انا زرت نقابة التجاريين في القاهرة ولقيتهم معلقين اعلان بتعديل في قانون العمل والتعديل بيقول ان لازم كل خريج لكيات التجارة من اي جامعة مصرية او خارجية أو اي خريج من اي معهد يحمل نفس الدرجة العلمية في التجارة او الاقتصاد او العلوم السياسية او الادارية عليه انه يسجل نفسه في نقابة التجاريين ويبقى عضو فيها والا لن تقبل منه طلبات التوظيف في اي مكان للعمل بشكل رسمي ويسقط حقه في إثبات حقوقه على تلك الشركة اذا ما حدث هناك خلاف ( يعني مش ها يقدر يقول انه محاسب ) وطلبات العضوية بسيطة جدا
1- فيش وتشبيه مقدم الى النقابة
2- عدد 2 صورة شخصية
3- اصل المؤهل الدراسي وصورة منه
4- أصل شهادة الميلاد وصورة منها
5- أصل البطاقة وصورة منها (للإطلاع).
6- مصاريف التسجيل تختلف من سنة لأخرى يعني دفعة 2006 يدفعو 158 جنيه في حين خريجي سنة 2007 بيدفعو 101 جنيه ده بالإضافة إلى 10 جنيه رسوم الكارنيه و 10 جنيه إضافية في حالة اذا كنت مستعجل على الكارنيه
مدة استلام الكارنيه 1 اسبوع والمستعجل 2 يوم فقط لاغير

هذا للعلم واتخاذ اللازم ووفقنا الله واياكم لما فيه صلاحنا جميعا مع تحياتي

السلام عليكم

شكرا احمد حسن على سرعة الرد

وشكرا يا امجد على التوضيح

وبجد يا جماعة انا نفسى فى حجتين

اولا : اقوى نفسى فى المحاسبة ونفسى بجد حد يدلنى على مكتب محاسبة اتدرب فية وياريت فى الاسماعيلية

ثانيا : اقوى نفسى فى اللغة لانى بجد محتاج انى اقوى نفسى فيها

طيب اية الخطوات االعملية وكمان لو حبيت اخد شهادة زى CMA اعمل اية

بصو انا فاضى يعنى لا شغلة ولا مشغلة وفعلا لو قدرت انى انمى نفسى خلال السنتين الى جيين

بجانب الماجستير الى بنحضرة يبقى كدا انا ماشى صح انا مستنى منكم الطريق

وفعلا موضوع كنت محتاجة

وجزاكم الله خيرا

السلام عليكم ورحمة الله و بركاتة
بجد الموضوعات رائعة سواء كان بتاعك يا احمد او بتاع امجد انتوا الاتنين ناقشتم موضوع مهم اوى بس فى مشكلة اولا موضوع النقابة عادى فى مليون محاسب مشتركين فيها بس المشكلة ان المحاسيين فى مصر مش عندهم ضمير عملين زى المحامين كرنية النقابة عبارة عن ترخيص للممارسات الخاطئة زى رخصة القيادة كدة لازم تكون معاك علشان تعرف تسوق العربية و اذا كان معاك ماجستير ولا حتى دكتوراة الموضوع فى نهاية صعب و عاوز تفتيخ مخ اوى

موضوع: سيبني اظبطك السبت أبريل 26, 2008 9:39 am

حبيبي يا ابو عبد الله

يا مان حوار انك تظبط نفسك ده أمر لابد منه وده ممكن تعمله ان شاء الله بعد يوم الاربعاء 11/6/2008 تكون خلصت امتحانات في الكلية واستلمك انا وانا ها اظبط لك دماغك وده ها يحصل على مرحلتين :

الأولى : تظبيط اللغة الإنجليزية بتاعتك
وده عن طريق انك تروح لمدرسة المنار الخاصة أكيد عارفها لواحد أسمه مستر عبد المطلب مدير مركز التدريب فيها ووتسجل معاه في موحد لتحديد مستوى اللغة الانجليزية بتاعتك وتبدا معاهم كورسات الانجليزي ودي حوارها بسيط عندهم

الحوار في الانجليزي الخاص بمدرسة المنار عبارة عن 16 ليفل مقسمين على اربع أجزاء Part وأسعارها كالتالي:
الجزء الأول 140 جنيه لكل ليفيل في الجزء
الجزء الثاني 165 جنيه لكلف ليفل في الجزء
الجزء الثالث 185 لكل ليفل في الجزء
الجزء الرابع والأخير 210 لكل ليفيل في الجزء

ولك مطلق الحرية بعد ما تخلص كل جزء تاخد عليه شهادة من امريكا رأسا من المعهد اللي هما آخدين الوكالة بتاعته هنا او انك تاخد شهادة واحدة لكل الكورس لما تخلصه كله واي شهادة من دول بتدفع عليها 32 جولار رسوم او انك تاخد شهادة معتمدة من المدرسة ومديرية التعليم والخارجية كمان ودي رسومها اقل طبعا بس مش عارف قد ايه بالضبط

المدرسة هنا اخدة توكيل معهد اطلنطا الامريكي والكائن مقره الرئيسي في القاهرة في الدقي وهما هنا بيدرسوا المهنج بتاع المعهد ده بطلاقة وانفراد حلوين تعالى وانا اظبطك مع الناس اللي جوه المدرسة كلهم حبايبي وانا ناوي على كده بعد الامتحانات

مدة الليفل الواحد 2 اسبوع بالامتحان

الثانية : التظبيط في المحاسبة وده ممكن يحصل على مرحلتين وهما
1- ها تقرا كتب انجليز في المحاسبة وتطبق الكلام حبة حبة منها تفهم انجليزي وتأكد عليه ومنها تفهم وتأكد مبادئ المحاسبة الي عندك .
2- ها اصور لك كتب CMA واعورك في مبلغ حلو كده وتقعد تطقطق مع نفسك بكوباية الشاي وتطور دماغك
3- ها تلجأ لمحاسب قانوني تاخدعنده اجازة الصيف وتتعامل وتحط رجلك في السوق .

وبكده اكون ظبط دماغك وما تقوليش ما عندكش وقت الحوار كله زي ما قلت لك محتاج تضحية جامدة وكله ممكن يمشي جنب بعض بس بالعقل حبة حبة وفي الاخر انت وشطارتك بس اديني دماغك

طبعا يا جماعة الكلام مش لابو عبد الله بس الكلام للجميع اللي عاوز يظبط دماغه زي ما احمد عاوز يمشي مع احمد خوة خطوة

وردا على مشرفة المنتدى دكتورة سارة انا حابب اني اشكرك على اعترافك بان في كتير من الممارسات الغلط اللي بيعملها كتير من المحاسبين وانا بيتهيق لي كده ان جه علينا الدور نقول كفاية غلط وكفاية عك بالاتفاق مع دكتورنا العزيز أحمد زكي

وانا عن نفسي الطريق شايف ان الواحد مننا لو سلك طريق الشهادات المهنية وطور دماغه بالدرجات العلمية ها نقدر نسد مع الناس العكاكة اللي مسوأة سمعة المحاسبة اللي انا بجد عاشقها حتى النخاع

مع تحياتي وعاوز اشوف ردودكم على الكلام ده اتمنى انه يكون مفيد

بسم الله الرحمن الرحيم

اخي العزيز /امجد
اختي العزيزه/ ساره
اخي وصديقي /احمد عبدالله
بدايه احب ان ابدي احترامي وتقديري وشكري للاهتمام بهذا الموضوع والافاده بهذه الاراء الجميله
.. والتي ماطرحت هذا الموضوع الا لكي نستفيد من مثل هذه المشاركه الجميله والتي انتظر المزيد منها واتوقع مشاركه جميع الاعضاء المميزين ممن ذكرتهم في بدايه الموضوع ووجهت لهم التحيه ومن جميع الاعضاء الجدد ..حتي نستفيد من ارائهم واقتراحاتهم وافكارهم .. وتعم الفائده علي الجميع ... وكما هوه واضح فان الموضوع ليس بحاجه لبيان او التكلم عن مدي اهميته .. ولكن يكفي القول انه مستقبلنا ... مستقبل المحاسبين المهددين بالانقراض بسبب دخول التكونولوجيا الحديثه والبرامج المحاسبيه وغيرها ... هذا اذا كنا سنظل كما نحن محاسبين تقليدين ..(او كما قال الدكتور اشرف حلمي كتبه ارشيف ) ولكن الامر اصبح اكبر من ذلك اصبح هناك قطار يسير بسرعه كبيره ولاينتظر احد ولا يقبل باي احد وخصوصا ان العدد كبير ... كيف تصبح مميزا من وسط الوف مؤلفه ..كيف تتميز عنهم وتصبح مطلوبا في اكبر الشركات .... في النهايه كيف تحقق حلمك وتسوق نفسك في سوق عمل انهكته المنافسه الشرسه ولا يقبل بالضعيف فيه .............
ومااردت من طرح هذا الموضوع سوي الوصل لتلك الاجابات الي تشغل بال كل خريج او طالب ..............
كيف تحجز لك مقعدا في قطار التميز والعمل وماهي المؤهلات المطلوبه ؟؟؟؟؟؟؟؟؟؟
اعيد طرح السؤال واتوقع الردود الايجابيه والمناقشه الفعاله والاراء البنائه ..........

اقتباس :: احب في بادئ كلامي اني اشكر ابو عبد الله واحمد ابو علي

وهما كماااااااان بيشكرو امجد ابو احمد

اقتباس :: خلاصة القول في شهادات تتماشى بجانب الدراسة اللي احنا ماشيين فيها في الوقت الحالي والشهادات دي مكلفة شوية بس اكيد ها ترفع من مستواك العلمي والمهني في وقت واحد واللي اتفضل اخي العزيز احمد بالتنويه عنها وهي شهادة CMA ودي من الشهادات المنخفضة القيمة بس عالية في تأثيرها على حاصليها .

[/code]
الشهادات في مجال المحاسبه زي ماحنا عارفين اصبحت مفيش اكتر منها ... بس طبعا اقوي شهاده علي حسب علمي هيه شهاده cpa بس دي طبعا امتحانتها ودراستها في اميركا لسه مفكروش يجيبوها هنا ... اعتقد ان البديل ليها واللي نزلت مصر من قريب هيه شهاده cma وهيه تقريبا بتبقي اربع اجزاء ومده الكورس بالكامل لو هتنجز فيه هيبقي سنه وتلات شهور وبتكلف حوالي مبلغ 9000 ..... وياريت اللي عنده معلومات اكتر في موضوع الشهادات ده يفيدنا بيه

اقتباس :: وانا شخصيا كان ليا سابقة مشاركة في شهادة ارفع منها وهي شهادة CFA وان شاء الله ربنا يكرمني وادخل امتحانها في شهر 12 اللي جاي (دعواتكم ليا ) بجد الحوار محتاج تضحية جامدة ماديا ومعنويا ونفسيا بس في نفس الوقت Just انك تخلص هتلاقي نفسك فوق فوق وفق وممكن تعمل الانقلاب الي انت عاوزه يا ابو حميد وتتعامل في اي حاجة .

اولا ربنا يوفقك فيها بس حاسب لتقع .....

ثانيا ابقي افتكر اللي تحت شويه ... يعني ممكن ترميلهم حبل كده ولا حاجه ....
يعني مستنين منك معلومات اكتر عن شهادهcfa ... مكدبش عليك انا سمعت شويه عنها بس مقدرش اكلم مدام فيه اللي يكلم عنها احسن مني ...

وبالتوفيق انشاء الله وربنا معانا كلنا

اقتباس :: السلام عليكم ورحمة الله و بركاتة

وعليكم السلام ورحمه الله وبركاته

اقتباس :: بجد الموضوعات رائعة سواء كان بتاعك يا احمد او بتاع امجد انتوا الاتنين ناقشتم موضوع مهم اوى

بس اكيد هيبقي اروع لو اشتركنا كلنا في الموضوع واكيد هنستفيد بالحوار

اقتباس :: بس فى مشكلة اولا موضوع النقابة عادى فى مليون محاسب مشتركين فيها بس المشكلة ان المحاسيين فى مصر مش عندهم ضمير عملين زى المحامين كرنية النقابة عبارة عن ترخيص للممارسات الخاطئة

فيه حاجه مهمه عايز اوضحهالك ياساره .... كارنيه النقابه بتاعنا ده ليس له شبيه .. يعني نبله ونشرب ميته .. ولا ليه لازمه في اي حاجه ولاهوه مقياس ..ولاهوه موضوعنا كمان ... واي كارنيه تاني برقبته ودي حقيقه لازم نكون كلنا عارفينها ... واذا كنا مضطرين نعمله ده لانه استكمال ورق بس .. لكن مش هوه ده اللي بنكلم عليه ولا اللي يعمله هيبقي اسمه محاسب .......
احنا بنكلم عن شهادات دوليه وعالميه معتمده ...بنكلم عن خبره في مكاتب المحاسبه بنكلم عن مستقبل المحاسب ...........وفرصه سعيده وتحياتي ليكي

الشهادات المحاسبيه Cma/cpa/cia/cfa/ctp/cisa/phr/sphr

السلام عليكم ورحمه الله وبركاته

هديه للاخوه المحاسبين وخريجي وطلبه كليه التجاره

تعريف بعض الشهادات المحاسبيه الهامه جدا كل واحد لازم يقرا ويعرف الشهاده الي بيفكر يحصل عليها بعد ما يخلص لان شهاه الكليه انتوا عارفين مبتاكلش عيش وهنبدا

المحاسب الإداري المعتمد/ المدير المالي المعتمد CMA/CFM

لقد تم تصميم شهادتي المحاسب الإدارى المعتمد CMA والمدير المالى المعتمد CFM من قبل المعهد الأمريكي للمحاسبين الإداريين بالولايات المتحدة الأمريكية IMA، وذلك لإضفاء صفة الاعتماد المهنى على العاملين فى مجالات المحاسبة الإدارية و الإدارة المالية.

الفئات الوظيفية المرشحة للحصول على الشهادة

تشمل الفئات المرشحة للحصول على هذه الشهادة المتخصصين في الحقل المالي والإداري المحاسبي ومنهم:

المدراء الماليون الراغبون في الحصول على تأهيل مهني يوثق خبرتهم العملية، وكسب المعرفة التي تمكنهم من أداء مهامهم الوظيفية بأسلوب ومنهج علمي متطور

كافة المتخصصين و العاملين في مجال المراجعة و التدقيق المالي و الإداري

كافة العاملين في المجال المحاسبي الراغبون في الحصول على تأهيل مهني يمكنهم من تولي وظائف قيادية في المجال المحاسبي المالي
العاملون والمتخصصون في قطاع البنوك والاستثمار

قيمة الحصول على الشهادة

إن الحصول على هاتين الشهادتين من قبل العاملين فى تلك المجالات يحقق لهم العديد من المزايا ، نوجزها فيما يلى :

اعتلاء مناصب إدارية عليا سواء فى جهات أعمالهم

زيادة المعرفة العلمية فى مجالات متعددة (الإدارة والمحاسبة المالية ومحاسبة التكاليف - ولاقتصاد والتمويل،... الخ)

الاعتماد المهنى للخبرات السابقة

التميز بارتفاع الرواتب

المؤهلات المطلوبة للتسجيل للاختبار

يتطلب التسجيل لدخول تبار:

• - الحصول على مؤهل جامعي، درجة البكالوريوس، في المجال

•- خبرة عملية لا تقل عن عامين في مجال المحاسبة الإدارية أو الإدارة المالية أو كلتيهما.

المحاسب القانوني المعتمد CPA

تم تصميم منهج المحاسب القانوني المعتمد Certified Public Accountant/CPA من قبل معهد المحاسبين القانونيين المعتمدين بالولايات المتحدة لإضفاء صفة الاعتماد المهني العالمي على العاملين بالمجال. ونهدف من عقد برنامج المراجعة إلي تزويد المشاركين ببرنامج للمراجعة الهيكلية يتضمن كافة الجوانب المتعلقة بالتقدم إلي تبار الذي يؤهل المتقدمين للحصول علي هذه الشهادة المهنية الهامة، حيث يحظي من يحملونها باحترام المجتمع المحاسبي ويحصلون علي الفرصة الكاملة للتأهل للوظائف القيادية في مجالهم، كما أنها تضفي الصفة المهنية علي ممارساتهم في هذا المجال.

الفئات الوظيفية المرشحة للحصول على الشهادة:
العاملين في مجال التدقيق الخارجي والداخلي

المحاسبين بالشركات والبنوك

المدراء الماليون ورؤساء إدارات الحسابات

العاملون في قطاع التمويل بالقطاع الحكومي والخاص

خريجي كليات التجارة

المؤهلات المطلوبة للتسجيل للاختبار

يتطلب التسجيل لدخول تبار:

الحصول على مؤهل جامعي، درجة البكالوريوس، في المجال
خبرة عملية لا تقل عن عامين في مجال التدقيق

قيمة الحصول على الشهادة

إن الحصول على شهادة المحاسب القانوني المعتمد يعني اكتساب سمعة عالمية في مجال التدقيق، نظراً لاحتياج السوق بوجه عام لهذا التخصص الدقيق
توفر هذه الشهادة لحامليها فرصاً وظيفية متميزة نظراً للمهارات رفيعة المستوي والخبرات التي تؤهلهم لها هذه الشهادة
التواصل مع الآلاف من المحاسبين القانونيين المعتمدين على مستوي العالم من خلال عضوية المعهد الأمريكي للمحاسبين المعتمدين والاطلاع على ما يطرأ على هذا التخصص الهام

المدقق الداخلي المعتمد CIA

لقد تم تصميم شهادة المراجع الداخلى المعتمد Auditor/CIA Certified Internal من قبل معهد المدققين الداخليين Institute of Internal Auditors - IIA بالولايات المتحدة الأمريكية، لإضفاء صفة الاعتماد المهنى على العاملين فى مجال التدقيق الداخلى من خلال التدريب المكثف على موضوعات ومجالات المعرفة المطلوبة للحصول على هذه الشهادة، وذلك لتوثيق خبرتهم التى تمكنهم من تولى مناصب قيادية فى مجال التدقيق الداخلى.

ويشترط للحصول على هذه الشهادة:

الفئات الوظيفية المرشحة للحصول على الشهادة:

تشمل الفئات المرشحة للحصول على هذه الشهادة عدداً من المتخصصين في الحقل المالي والمحاسبي ومنهم:

كافة المتخصصين و العاملين في مجال التدقيق المالي و الإداري بالشركات والبنوك وشركات التمويل الاستثمار
مدققي القطاع الخاص والحكومي
خريجي كليات الإدارة والتجارة
المدراء الماليون الراغبون في الحصول على تأهيل مهني يوثق خبرتهم العملية، وكسب المعرفة التي تمكنهم من أداء مهامهم الوظيفية بأسلوب ومنهج علمي متطور
كافة العاملين في المجال المحاسبي الراغبون في الحصول على تأهيل مهني يمكنهم من تولي وظائف قيادية في مجال المحاسبي المالي
المحاسبون المهنيون الراغبون في الحصول على فرص وظيفية أكثر تقدما في مجال عملهم

المؤهلات المطلوبة للتسجيل للاختبار

يتطلب التسجيل لدخول تبار:

الحصول على مؤهل جامعي، درجة البكالوريوس، في المجال
خبرة عملية لا تقل عن عامين في مجال التدقيق الداخلي أو مجال ذي صلة كالتدقيق الخارجي أو توكيد الجودة أو الرقابة الداخلية
تعادل درجة الماجستير عاماً من الخبرة في المجال

قيمة الحصول على الشهادة

تعتبر شهادة المدقق الداخلي المعتمد شهادة زمالة للمدققين الداخليين الأمريكيين
احتياج سوق العمل لحاملي هذه الشهادة ومن ثم ارتفاع قيمة المزايا والفرص الوظيفية لهم
تساعد هذه الشهادة في إعداد جيل جديد من المحاسبين العرب المؤهلين تأهيلاً مهنياً عالمياً، لمواجهة التحديات الاقتصادية التي يواجهها العالم العربي في عصر العولمة.

المحلل المالي المعتمدCFA

تعبر شهادة المحلل المالي المعتمد /CFA Chartered Financial Analyst عن برنامج معتمد دولياً لقياس كفاءة المحللين الماليين وتكامل معارفهم. وقد تم تصميم هذه الشهادة من قبل معهد المحللين الماليين بالولايات المتحدة الأمريكية. وقد منح المعهد شهادات بها للمرة الأولي عام 1963، ومنذ ذلك الحين وهي رمز التميز في المجتمع الاستثمارى على مستوي العالم. ويتم منح الشهادة بعد اجتياز اختبار ثلاثي المراحل لقياس قدرة المتقدمين للاختبار علي تطبيق المعارف الأساسية المتعلقة بأسس الاستثمار واتخاذ القرار علي المستوي المهني.

ونقوم بعقد دورات تدريبية متخصصة في هذه الشهادة لإعداد المتقدمين للحصول علي هذه الشهادة بحيث يتمكنون من اجتياز تبارات النهائية بكفاءة وامتياز.

ما هي الفئات الوظيفية المرشحة للحصول على الشهادة

تشمل قائمة المرشحين للحصول على هذه الشهادة العديد من المهنيين والمحترفين بمجال الاستثمار وعلى رأسهم:
المحليين الماليين
رؤساء الشركات
مدراء الشركات الاستثمارية
مدراء إدارات الاستثمار بالبنوك والشركات المساهمة
مدراء محافظ الاستثمار
واضعي الاستراتيجيات
تقييم الشركات والأصول
الأكاديميين صين بمجال الاستثمار

المؤهلات المطلوبة للتسجيل للاختبار

يتطلب التسجيل لدخول تبار:
الحصول على مؤهل جامعي، درجة البكالوريوس، في المجال
خبرة عملية لا تقل عن عامين في مجال التحليل المالي

ما هي القيمة المضافة من الحصول على الشهادة

4-6 التسجيل للعضوية :

تم تصميم منهج المحلل المالي المعتمد لتعميق المعارف الخاصة بنظم تقييم الاستثمار وإدارة محافظ الاستثمار والأوراق المالية، ورفع مهارات المهنيين صين في هذا المجال. ويركز المنهج عدة جوانب أهمها:

التميز في تقييم وتحليل حقوق الملكية والأوراق المالية والدخول الثابتة
تزويد المشاركين بالمعارف المتصلة بالقوانين واللوائح المتصلة بالأوراق المالية والمحافظ الاستثمارية وقواعد السلوك المهني
تزويد المشاركين بالمعارف المتصلة بعمليات تقييم الأصول وإدارة محافظ الاستثمار
تحليل وتقييم الاستثمار
تحليل القطاعات والأنشطة التجارية

ويتميز المنهج بالمرونة الشديدة التي تمكن المشارك في البرنامج من العمل بالتوازي لإنجاز مهامه الوظيفية بجانب دراسة المنهج للحصول على الشهادة. وقد تم تصميم المنهج بحيث يعكس المعارف والمهارات التي تجعل المتخصصين على علم بالتطورات والتفاعلات الحاصلة بمجال الاستثمار على مستوي العالم.

مدير الخزانة المعتمدCTP

تم تصميم شهادة مدير الخزانة المعتمد Certified Treasury Professional/CTP من قبل جمعية المهنيين الماليين Association for Financial Professionals-AFP لتحديد المعايير المتصلة بالعمل في الحقل المالي. وقد أصبحت بمثابة رمز للتميز في أداء المهام بالغة التعقيد في إدارة الخزانة، ومن هنا يأتي سعي كيانات الأعمال عند توظيف كوادر مهنية في الإدارات المالية إلي الاستعانة بحاملي هذه الشهادة التي تزود الحاصلين عليها بالمعارف التي تجعل منهم ثروة لكيانات الأعمال التي ينتمون إليها لأنها تؤهلهم إلي مهارات غاية في الأهمية منها نظم إدارة النقدية (الخزانة) وإدارة المخاطر وهيكلة رأس المال وحوكمة الشركات.

ونقوم، إدراكاً منا لأهمية حاملي هذه الشهادة، بإعداد المتقدمين للحصول عليها وتأهيلهم لاجتياز تبار النهائي الذي يعقد لهذا الغرض بكفاءة واقتدار.

ما هي الفئات الوظيفية المرشحة للحصول على الشهادة

تشمل قائمة المرشحين لحضور برنامج المراجعة لهذه الشهادة المهنية قطاع عريض من المتخصصين في مجالات إدارة الخزانة والاستثمار والتمويل . ولكن حضور برنامج المراجعة لا يقتصر عليهم، فهو مفتوح لجميع المهتمين، ومن بين هؤلاء:

المتخصصون الذين يؤدون مهام تتعلق بالتمويل والمحاسبة والخزانة الذين يرغبون في الحصول على تأهيل مهني يمكنهم من تولي وظائف قيادية في هذه المجالات
الصيارفة ومقدمي الخدمات المالية الذين يعملون على إنشاء وتنفيذ المنتجات والخدمات اللازمة لمؤسسات بدائل التمويل
العمالة الفنية والإدارية المساعدة لمسئولي التمويل
المدراء الماليون الراغبون في الحصول على تأهيل مهني يوثق خبرتهم العملية، وكسب المعرفة التي تمكنهم من أداء مهمهم الوظيفية بأسلوب ومنهج علمي متطور
الطلاب الراغبين في دراسة ما يتعلق بالتمويل والأعمال المتصلة بمجاله

المؤهلات المطلوبة للتسجيل للاختبار

يتطلب التسجيل لدخول تبار:
الحصول على مؤهل جامعي، درجة البكالوريوس، في إدارة الأعمال أو التمويل
خبرة عملية لا تقل عن عامين في مجال إدارة النقدية/الخزانة أو منصب يتصل بالتمويل
التدريس في مجالات التمويل أو إدارة الخزانة لعامين على الأقل

ما هي القيمة المضافة من الحصول على الشهادة

تهدف شهادة CTP إلى تنمية وصقل الجوانب العلمية والمهنية لديكم بما يضمن الاستعداد الكامل لمواجهة التغيرات التي تطرأ على هذا المجال على المستوى العالمي والمحلي، وتعكس بدقة المسئوليات الملقاة على عاتق مدير إدارة الخزانة. ويتمتع حاملو هذه الشهادة بالثقة الكاملة من جانب ممارسي الأنشطة المالية في أسواق المال الدولية والمحلية على حد سواء، وتتاح لهم فرص الترقي للكوادر العليا من الوظائف في الإدارات المالية بسرعة أكبر من أقرانهم غير الحاصلين عليها نظرا للخبرات والمهارات المالية المتطورة التي يكتسبونها من خلال دراستهم لها، مما يمكنهم من حصاد القيم الآتية:

1 الإلمام بمفاهيم المحاسبة المالية 10 إدارة النقدية في شركات الأعمال
2 إدارة حسابات ونظم الدفع والتحصيل 11 القدرة على التعامل مع المناخ المالي غير المستقر
3 الإلمام بنظم المعلومات المالية 12 إدارة الفائض والعجز في التدفقات النقدية
4 إدارة المعاملات المالية الدولية 13 التنبؤ بالتدفقات النقدية
5 فهم المتغيرات الخارجية المؤثرة على إدارة الخزانة 14 إدارة المخاطر المالية
6 الرقابة على مخاطر الفائدة ومخاطر الصرف الأجنبي 15 الاستفادة من عمليات إدارة الخزانة المتوافقة مع أحدث التقنيات
7 استخدام التسهيلات الائتمانية لتمويل العجز في النقدية 16 وضع نظم من شأنها خفض الأرصدة النقدية غير المربحة مع تقديم السيولة الكافية
8 التأكيد على مقدرة الشركة على الوفاء بالتزاماتها المالية 17 الاستفادة بشكل أكثر كفاءة من النقدية المتاحة لدى الشركة
9 بناء علاقات مالية ومصرفية لدعم إدارة الخزانة

المحتوي العلمي لمنهج الشهادة
يساعد هذا البرنامج المتقدمين للاختبار في هذه الشهادة من خلال سبع وحدات تغطي موضوعات إدارة النقدية والتدفقات النقدية الداخلة والخارجة والاستفاءة القصوى من النقدية والمفاهيم المحاسبية والاستثمار والاقتراض والخزانة الدولية وإدارة المخاطر والتطورات التقنية الحديثة وإدارة العلاقات المصرفية.

مدقق نظم المعلومات المعتمدCISA

تم تصميم لشهادة مدقق نظم المعلومات المعتمد Certified Information Systems Auditor/CISA من قبل لجمعية تدقيق وضبط نظم المعلومات Information Systems Audit & Control Association- ISACA، لتأهيل الحاصلين عليها لتطبيق ممارسات التدقيق على نظم المعلومات بالفاعلية المطلوبة، كما تتيح ممارسة عمليات الرقابة علي وتأمين نظم المعلومات و تفهم المتطلبات الخاصة ببيئة نظم تقنية المعلومات .

كما أن هذه الشهادة تمنح حاملها سمعة إيجابية من حيث التأهيل لعملية تدقيق نظم المعلومات . ويستلزم الحصول على هذه الشهادة إجراء اختبار متخصص فى مجال تدقيق نظم المعلومات، ولذا يجب أ ن يتوافر في المتقدم له مجموعة من المهارات الخاصة بالتدقيق وإدارة نظم المعلومات. ولذا نعمل من خلال الدورات التدريبية التي نعقدها في هذا المجال إلي تزويد الراغبين في الحصول على هذه الشهادة بالمهارات والمعارف اللازمة.

ما هي الفئات الوظيفية المرشحة للحصول على الشهادة

شهادة مدقق نظم المعلومات المعتمد CISA تهم العديد من الفئات العاملة بحقل نظم المعلومات، ومن بينهم:
مدققي نظم المعلومات
مدراء نظم المعلومات
المدققين الداخليين للشركات والهيئات
مدراء ومسئولي تطوير النظم الآلية
أخصائيي خدمة الدعم الفني لنظم المعلومات
مدراء ومسئولي شبكات المعلومات

المؤهلات المطلوبة لتسجيل للاختبار

تمنح شهادة مدقق نظم المعلومات المعتمد في تدقيق وضبط وأمن نظم المعلومات بعد اجتياز تبار الذي يتطلب المؤهلات الآتية لحضوره:

خبرة مناسبة في مجال تدقيق وضبط وأمن نظم المعلومات
الالتزام بقانون الأخلاق المهنية
الالتزام بالاستمرار في برنامج التعليم المستمر
الالتزام بمعايير تدقيق نظم المعلومات

ما هي القيمة المضافة من الحصول على للشهادة

شهادة مدقق نظم المعلومات المعتمد هي حجر الزاوية لجمعية ISACA، حيث يعمل اختبار CISA منذ عام 1978 على قياس كفاءة عملية التدقيق على نظم المعلومات وضبط أمن نظم المعلومات. وقد حصل على هذه الشهادة حتى الآن ما يزيد على 44 ألف متخصص. ويمثل الحصول علي هذه الشهادة قيمة مضافة لحامليها حيث:

أصبحت CISA رمزاً عالمياً للإنجاز والكفاءة في هذا المضمار، وهو المعيار المتعارف عليه بين أهل المهنة على مستوي العالم.
أصبحت CISA رمزاً للالتزام بخدمة الشركات والهيئات ومجال تدقيق وضبط نظم المعلومات بوجه عام.
أصبحت CISA البرنامج المفضل الذي تبني عليه الشركات والهيئات في جميع القطاعات اختيارها لتوظيف كوادر نظم المعلومات.

ولأهمية هذه الشهادة في مجال نظم المعلومات، فقد أصبح لزاماً أن تتأكد ISACA من تكامل خبرات المتقدمين للحصول عليها. لذا يشترط للحصول على هذه الشهادة خبرة عملية لا تقل عن خمس سنوات في مجالات تدقيق نظم المعلومات أو أمن وسرية نظم المعلومات أو غيرها من الحقول المتصلة بضوابط نظم المعلومات، أو الدراسة لسنوات تعادل كل سنتين منها سنة من الخبرة العملية

المهني المحترف للموارد البشرية/كبير المهنيين المحترف للموارد البشرية PHR/SPHR

شهدت السنوات الأخيرة نقلة نوعية في العلوم الإدارية، وإن هذه النقلة جاءت لتواكب التقدم الذي شهده عالم الأعمال في الاقتصاديات الحرة والذي تلعب فيه إدارات الموارد البشرية دورا مؤثر و فعال. وفي ضوء الدور الهام والمؤثر لإدارة للموارد البشرية في كيانات الأعمال، وفي ظل هذا التحول، فقد كان لزاماً أن يتم توثيق خبرات كافة المستويات الإدارية في حقل الموارد البشرية.

ولهذا قامت جمعية إدارة الموارد البشرية Society for Human Resources Management/SHRM بالولايات المتحدة الأمريكية بتصميم شهادتين مهنيتين في الموارد البشرية وهما:

المهني المحترف للموارد البشرية PHR
كبير المهنيين المحترف في الموارد البشرية SPHR
وتتضمن الشهادتان أحدث النظريات و أفضل وأحدث التطبيقات لها، بحيث تمثلان لمن يحصل عليهما توثيقاً للاحترافية في المجال وتضعه علي خريطة المحترفين علي مستوي العالم من خلال إضفاء صفة الاعتماد المهنى على العاملين فى مجال الموارد البشرية.

الفئات الوظيفية المرشحة للحصول على الشهادة

تشمل الفئات المرشحة للحصول على هذه الشهادة المتخصصين في حقل الموارد البشرية ومنهم:

العاملين في الموارد البشرية الراغبين في رفع مهاراتهم الوظيفية من خلال دراسة منهج الشهادتين

مدراء إدارات الموارد البشرية بالشركات والمؤسسات والبنوك ممن يقع على عاتقهم مهام الموارد البشرية بالإدارات الرئيسية والفروع، وفروع هذه الجهات بالخارج
الموظفون حديثي التعيين بإدارات الموارد البشرية بالشركات والهيئات

الحاصلين على شهادة المهني المحترف في الموارد البشرية الساعين إلى التأهل للمستوي المتقدم بالحصول على شهادة كبير المهنيين المحترف في الموارد البشرية

الإداريون الراغبون في احتراف مهنة الموارد البشرية

قيمة الحصول على الشهادتين

إن الحصول على هاتين الشهادتين من قبل العاملين فى تلك المجالات يحقق لهم العديد من المزايا، نوجزها فيما يلى:

تعزيز المعرفة المهنية و الاعتماد المهني للمعارف والخبرات المهنية المكتسبة في حقل الموارد البشرية، وفي العديد من المجالات المهنية الأخرى

مزيد من الثقة في قدرة حاملي هاتين الشهادتين على خدمة إدارات الموارد البشرية بالشركات والمؤسسات وزيادة كفاءة وفاعلية موظفيها في تحقيق أهداف هذه الجهات

الاطلاع على أحدث ما يستجد في حقل الموارد البشرية من خلال العضوية في أكبر الجهات العلمية والمهنية المتخصصة، مما يتيح فرصاً متميزة للتطور المهني

سرعة وسهولة الترقي في مناصب الموارد البشرية وزيادة المزايا الوظيفية والتميز بارتفاع الرواتب

تحقيق شرط الحصول على هاتين الشهادتين الذي تضعه بعض الجهات عند توظيف كوادر الموارد البشرية

المؤهلات المطلوبة لتسجيل للاختبار

خبرة عملية في مجال العمل بالموارد البشرية لمدة سنتين، أو:

حديثي التخرج في أي مجال.

المحتوي العلمي لمنهج الشهادتين باستخدام منهج SHRM

مراجعة منهج شهادتي حول منهج PHR/SPHR وفقا لمنهج SHRM المكون من ست كتب بالإضافة إلى قرص مدمج. وجدير بالذكر أن المنهج الدراسي موحد بين الشهادتين إلا أن تلاف بينهما يكمن في تبار النهائي الخاص بالحصول على الشهادة، فنطاق تبار للشهادة الأولي PHR يتكون من 200 سؤال، أما نطاقه بالنسبة للثانية SPHR فيتكون من 300 سؤال. ومن ثم يمكن الحصول على كل شهادة منهما على حدة باختيار نطاق تبار.

السلام عليكم ورحمة الله و بركاتة

كلامك رائع بجد يا احمد ممتاز لازم نعرف على الاقل بعض من الخطوات المتبعة فى مهنة المحاسبة و المراجعة واية الشهادات الى تدعمانا باذن الله انا بجد اول مرة اسمع المعلومات الكتيرة دة عن CMA/CFM بس معلومات مفيدة جدا و كمان على راى امجد علشان نكون محاسبين قانونيين زات خبرة و توعية كاملة و مدركين بالاحداثيات التى تدور فى العالم و اعتقد انتى استفد اوى منكم و من المعلومات الجامدة دة و نشوف حاجة منها فى الصيف ان شاء الله بعد ما ربنا يوفقنا فى الامتحانات ربنا يسهل باذن الله اما موضوع المحاسبين بجد مفيش محاسب بيدرب عندة حد دلوقتى مش عرفة لة انا حاولت بس فشلت
و بشكركم تانى اوى موضوع بجد هام و حيوى اوى

وعليكم السلام ورحمه الله وبركاته
اولا عايز اوضح حاجه عشان ميحصلش خلط بين الامور وبعدين هجاوب علي سؤالك ياساره...فيه فرق بين المحاسب القانوني والمحاسب المالي ....................

بالنسبه للقب محاسب قانوني وماله وماعليه (يعتبر هوه غايه في حد ذاته -اما الشهادات المهنيه تعتبر وسيله )..و ده عشان تحصل عليه لازم باختصار تسجل في السجل العام للمحاسبين والمراجعين ويشترط طبعا انك تكون تحت اسم مكتب محاسبه معتمد .. والمحاسب القانوني ليس له علاقه باي شهادات مهنيه مثل cma/cfm ولكن هذه الشهادات كما قلت ترفع من المستوي المهني للمحاسب سواء المالي او المحاسب القانوني اذا اراد ..وبالطبع تزيد من مستوي كفاءته وقيمته في سوق العمل .. يعني بمعني تاني عشان تفتح امامك الطريق امام اكبر الشركات العالميه لازم تكون كفاءه والكفاءه دي كالاتي :
_التسجيل كمحاسب قانوني...او علي الاقل التدريب في مكتب محاسبه للحصول علي شهاده الخبره
_الاهتمام بالشهادات المهنيه التي ذكرناها سابقا واعتقد ان افضل المتاح حاليا هي cma
_الاهتمام باللغه واختبارات التويفل +ICDLكمبيوتر
وفي الاخر نرجع نقول ....بلد شهادااااااااااااااااااااات صحيح .. والله الموفق ...

بالنسبه لسؤلك بقي ياساره وان مفيش حد من المحاسبين بيدرب حد عنده دلوقت .....

بصي بقي مبدئيا كده كلامك مظبوط فعلا ... وانا عارف ان الموضوع ده صعب .. وان مجال العمل ده بقي محصور بين المحاسبين القدامي اللي مش عايزين حد يشاركهم فيه او ليه نصيب ...
قدامك حل من اتنين عشان تسجلي في مكتب محاسبه في الوقت الحالي :
اولا انك تنزلي سوق الجمعه وتخشي علي سوق الخضار وتنقي وتختاري كوسه حلوه كده شوفي الحجم المناسب للمكتب المناسب مع شويه تسبيكه والصلصه ... فهماني ؟؟؟؟؟؟؟
ماشي نوضح برضه .... يعني متدخلييش بطولك كده لاي محاسب وتقوليله عايزه اشتغل معاك هيقولك اهلا وسهلا ..انتي فين من زمان ... اما اقاربك او معارفك او توصيات ..خلي والدك بقي يشوف الموضوع ده لو ناويه بجد .. والكلام للكل طبعا
ثانيا استني بقي حوالي سنه ونص كده اكون انا خلصت واخدت الشهاده وابقي اسجلك انتي واحمد عبد الله عندي ...يلا اي خدمه .....................................................
بس قبل ده كله لازم تحددي انتي عايزه اي بالضبط وعشان تكون الصوره واضحه قدامك لازم تعرفي ان فيه 3اشكال من التدريب في مكتب المحاسبه وحسب الهدف اللي عندك تختاري الشكل المناسب ... معلش هناجل ال3 انواع دول عشان همشي دلوقت... وللحديث بقيه . Smile

السلام عليكم

والله الكلام جميل بس احنا ناس بتوع كلام

اولا اشكر حبيبى امجد الى بجد افدنى واكيد هقعد معاة كدا ونظبت الامور

اما من جهتى فيا جماعة انا دلوقتى عاوز ادرب فى مكتب محاسبة انا اتعرض عليا اتسجل فى مكتب محاسبة واخد الشهادة منة من غير ما اخطى عتبة الباب بتاع مكتبة يعنى على الورق متسجل وشغال

بس هعمل اية بالشهادة او الخبرة الورقية من غير ما اكون كدا فعلا كفاية شهدات بقى انا بدور على الممرسة

كلام جميل بس الفعل طيب انا معرفش الطريق دة ولا حتى اعرف محاسبين لا فتحين مكاتب ولا محاسبين بيدربو غير واحد حبيبى بيدرب كدا فى العريش ومتعبنى معاة وقلتلو الحقيقة ان الوصول لمكتب محاسبة والتدريب فية امر فى غاية الصعوبة

انا بقى عاوز حد يجبلى مكتب محاسبة ويكون قريب منى ويسجلنى فية من الاخر

وهو دة طلبى بس

وشكرا

السلام عليكم ورحمة الله و بركاتة

رادك رائع بجد يا احمد انا مش عرفك اشكرك ازى بس انا بجد مكنتش فهمة دة كلة و اذا كان على سوق الجمعة انا مش عندى فى محافظتى سوق جمعة انا عندى سوق حد اسمة كدة و يبقى اشوف الكوسة بكام دلوقتى .

اما المهم انا قالت لكل المعارف و الاصدقاء الى بيشتغلوا فى المهنة دة فى محفظتى قليلين بس عوزيين يكونوا محتكرين يعنى مش يفهمة حد معاهم علشان مش ياخد خبرة و يفتح مكتب لوحدة و كدة حتى ولو اخدت دكتوراة مش معاك بكالوريوس ولا حتى ماجستير انا بحاول علشان لو فشلة يعنى فى الماجستير ربنا يعوضنى فى شى تانى اذا كان القرصات انجليزى موجود المشكلة فى القرصات التانية مش متوفرة اى فى اى حتة لازم تسافر مصر مشوار بس باذن الله هحاول فية بس انا بردة عوزة افهم اكتر من اى حد يشارك و يكون عنة المقدرة على الشرح فى الموضوع الهام دة و شكرا تانى يا احمد بجد انا تعبتك . و عقبال ما اشوفك محاسب كبير و اعتبر دة وعد انا و احمد عبدالله عندك فى مكتبك باذن الله .......

السلام عليكم

اية يا سارة احنا هنستنى ندرب عند احمد حسن

دا انا هفتح مكتب محاسبة قريب وادرب فية برحتى

انتى بتتكلمى فى اية وكمان اى شركة خسرانة هخليها

اربحها بالكوم ونظبط بقى مش لازم نرضى العملاء ولا اية

السلام عليكم و رحمة الله و بركاتة

يا مانجر انا معاك يا دكتور افتح المكتب بس حدد هنقفلة امتة علشان مش نضيع الوقت و نشوف حكاية القرصات