هل أنت من أصحاب الأهداف ؟؟!!

بسم الله الرحمن الرحيم
اذا اردت ان يكون لحياتك قيمة..
وا يكون لوقتك فائدة
وان لا يكون يومك مثل امسك
اذا اردت الأ يأتي يوما تشعر فيه بالممل
وان تشعر انك تنتظر الموت لينهي حياتك الروتينية بعد الانتهاء من كل ماهو مطلوب في الحياة العادية
دورة حياة اي حد ...الكلية ..الزواج...الانجاب...يربي الولد او البنت....يجوز الواد او البنت .....يستنى الموت
عايز تكون واحد غير دول ....... اذا يجب ان تحدد هدفا لنفسك في هذه الحياة
في احد المرات كنا في زيارة احد حالات الاطعام فقمت بعمل حوار سريع مع عم ... وهو رجل مسن يسكن مع زوجته فعرفت منه كيف يقضي يومه... من الصلاة الى الصلاة ثم ينام ليستيقظ فينتظر الصلاة تلو الصلاة ثم ينام ويستيقظ على الصلاة وهكذا وهكذا فدار داخلي صراع وقلت لنفسي هل سيأتي اليوم الذي سانتظر فيه الموت مثل هذا الرجل.....
ثم قارنت هذه القصة بقصة سمعتها عن الشيخ الشعراوي وهو في اخر ايامه لما سأل اذا خرجت من المستشفى ماذا ستفعل قال سافسر الجزء كذا من الاية كذا هنا ايقنت انه يجب ان اجعل لحياتي ولنفسي هدفا حتى لا يأتي علي اليوم الذي انتظر فيه الموت
اليك ببعض العبارات الذي يقولها الذين ليس لهم اهداف في هذه الحياة
1- انا رايح القهوة ..ليه.......اهو رايح اموت الوقت
2-ايه ده اليوم بيعدي طويل اوي كده ليه
3- انا اتخنقت من كثر النوم
4-ايه ا....نا اتخنقت من الحياة امبارح زي النهاردة زي بكرة
تعالى معايا بقى كده لبعض العبارات التي يقولها اصحاب الأهداف
1- انا مستعد اشتري الوقت بفلوس
2-انا نفسي اليوم ميعديش
3-يااخي اليوم بيعدي بسرعة اوي
4-انا نفسي انام والله بس مافيش وقت
بالله عليك انت عايز تكون مين فيهم عم....اللي مستني .........
والله الشيخ الشعراوي اللي لغاية لما بيموت ماشي في هدفه
والأمام النووي الي قبل ان يموت قيل له لما لم تتزوج يا امام قال اخخ لو تذكرت متخيل لأي حد كان يأخذه هدفه بس احنا عايزينك تتجوز وعايزينيك تتجوزي ماتخفوش ماتقولش الا الا الا ده عايز ايه بالضبط.....
يالا كسر القيود اللي جواك وحرك نور الأمل بداخلك ولا تيأس ابحث بداخلك
تفكر جيدا
اعرف نقاط القوة اللي عندك وزودها
وصارح نفسك بنقاط الضعف جواك وحاول تتلاشها بزيادة نقاط القوة اللي جواك
اعرف ايه هي اكثر الفرص اللي معاك وايه هي اقل التهديدات
واوعدك انك مش هتلاقي وقت ومش كده بس ده انت هتقول انا محتاج ضروري دورة تنظيم وقت ..... اه انت هتقول كده
شايف نفسك وانت نفسك تنام بدري ومش عارف من كثر اللي وراك سامع امك او زوجتك او اختك وهي بتقولك ياريت تريح نفسك شوية وتنام انت بقالك كثير ما بتنامش كويس
وساعتها هتحس انك بقالك قيمة بجد
وان كل يوم هو سلمة للوصول لهدفك
وهييجي اليوم اللي هتسجد فيه سجدة شكر لله للوصول لهدفك
وجزاكم الله خيرا ونسألكم الدعاء

السلام عليكم ورحمة الله وبركاته

والله معاكي خق وانا فعلا احب الطموح واحب ان يكون ليه هدف وكمان لازم يكون لكل الناس هدف في الحياة اكبر من الزواج وتربية الاولاد ويارب بجد الناس كلها تستفيد من مواضيعك الجميلة دي بس انا عندي اقتراح بسيط عشان الناس تقبل على مواضيعك مجرد وجهة نظري وهي انك تحطي المواضيع على اكتر من مرة عشان يكون في نوع من التشويق للي يقره الموضوع

السلام عليكم و رحمة الله و بركاتة

و الله انا بحاول يكون هدف فى حياتى علشان معيش كدة و خلاص
بارك الله فيكى موضوع رائع