راى صريح وواضح

احب اعلق على حاجه انا مش لازم اكوون مجامل ا انافق علشان اكون عضو مرغوب فيه لان انا بكل بساطه ما اعرفش حد منكم شخصيا فلذلك راى صريح على سبيل المثال العضوه سبيدر فى مقالها الجديد قالت انها بتحب بنات السويس لانهم ساعدوها فى حاجات كتير اوكى ده كلام جميل واعتراف بالجميل بس كونها تتمنى لهم تقديرات امتياز ده اوفر شويه لان الانسان بطبيعته مايحبش حد يتالق فى نفس مجاله او فى دراسته ديما يحب يكون هو الافضل وده مش عيب لا غلط بل ده الحافز بس الغلط ان اقول عكس ده مع ان ماحدش طلب راى ثانيا هى قالت احب ان اشيد بالمتالقين ديما ونسيت انها مجرد زميله مش دكتوره عندها القدره على تقييم الطلبه فالافضل انها تقول فى راى الشخصى لانها بكده تزعل باقى الطلبه منها وعلى فكره انا مش طالب معاكم وياريت ماحدش يزعل من راى

السلام عليكم ورحمة الله وبركاته
اولا احب اقول لحضرتك ان الرسول الكريم (صلى الله عليه وسلم ) قال :" حب لاخيك ماتحب لنفسك" ومش معانا اني اتمنيت ليهم تقديرات عليا اني مابتمناش لنفسي تقديرات عليا وبعدين حضرتك ماتعرفنيش يعني ماتعرفش اني بتكلم بجد ومن قلبي مش بجامل لانهم يستاهلوا كل خير فعلا وهم فعلا مجنهدين علشان مجتمع التمهيدي مختلف تماما عن مجتمع الجامعة العادي وفيه بيبان مين اللي بيشتغل ومين لا ومين اللي يستاهل ومين لا وبعدين انا ماغلطتش في حد علشان حد يزعل مني وكمان انا قولت اذا كنت حضرتك قريت كويس كل الرودود اللي كتبتها ان كل الناس الللي معانا في الدفعة كويسة وكمان اذا كان عندي وقت كنت ذكرهم وهنا انا اقصد الناس اللي بتجي الجامعة وتحضر يعني اللي انا عارفهم وزي ماقولت لحضرتك ان مجتمع التمهيدي مختلف عن ايام الدراسة العادية تحس ان كلنا اخوات وكلنا عارفين بعض وده علشان عددنا صغير وبنحضر مع بعض ولازم نسال على بعض لما نغيب وكده وبعدين حضرتك ايه اللي مزعلك في كوني قولت ان بنات السويس يستاهلوا كل خير ولاه لا اذا اصلا حضرتك ماتعرفش حاجة عن حد وكمان بتقول ان كلامي (اوفر) وهو ولاه اوفر ولاه حاجة فعلا اذا جابوا تقديرات اعلى مني مش هزعل لاني بحبهم في الله ولاني شايفهم يستاهلوا فعلا وبعدين ىانا فعلا مش دكتورة بس زي ماقولتك مجتمعنا باين فيه كل حاجة ومين قال لحضرتك اني بقول زاي الدفعة كلها ده فعلا راي انا الشخصي وكل الناس عارفه كده