نكت سياسية جمدة موت يارب استر؟؟؟؟؟؟؟؟؟

س- ما هي المفاجأة في أصابه شارون بنزيف في المخ؟؟

ج-أتضح انه عنده دم

س-لما ذا لا يصاب الحكام العرب بنزيف المخ؟

ج-عشان ما عندهمش مخ

س - ما هو الناتج عن موت شارون إكل****يا؟

ج- زاد العرب واحد

س- ما هي السمة المشتركة في الانتخابات العربية ؟

ج- صناديق الأكترااع

س - ما هو شعار الحزب الوطني ؟

ج – اللي يحب النبي يصووووت

س- السياسة التي يتتبعها الحزب الوطني؟؟

ج-بيضاء على الكريم

سوداء على ألئيم

بمبه مسخسخ على اللي يحب الحريم

س- قالو جورج بوش الابن سينشر الديموقراطية. ماذا يعنى بنشر؟؟؟

ج- انه يكون زى المنشار طالع واكل نازل واكل

س- عرف المساواة ؟

ج- ( هي كلمة من مقطعتين الموس :- وهي أداه يقطع بها لسان كل مواطن يتطوال
على الحكومة و ألواه :- هي الكلمة التي تصدر من ذلك المواطن لما يقطع
لسانه )

س -ليه الوزراء يحلفا اليمين؟

ج-عشان يبقوا يصوموا 3 ايام كفارة اليمين

س- ليه مفيش في مصر عبد الحليم خدام ؟؟

ج-عشان كلهم خدامين أمريكا

س- من هو الرئيس العربي الذى ترك الحكم طواعية..؟

ج- مختار ولد طايع اللي طاع عليه الحكم

س-أيهما اخطر إسرائيل آم أمريكا؟

ج- ممكن احذف إجابتين؟

س- هل يجوز أن نطلق على الشعوب العربية شعوب داجنة

بمعني "مستأنسة وتربي بالبيوت"ا؟؟

ج- التعريف ده لايق اكتر خرفان مغمية يقودها حمار يا ترى هيوديها فين

مع الاعتذار للشعوب العربية وللحمار

س- لماذا نقول دائما على الناجحين في الانتخابات أنهم ناجحون باللعب في الأصوات؟

ج- عشان أحنا شعب حاقد وخسارة فينا الديموقراطية

لماذا لا يتحد العرب؟؟

عشان يوفرا نفقات الاحتفالات السنوية بالعيد

س- رأيك ما هو أسؤ مصير ممكن يلقاه صدام من المحاكمة ؟

ج- السجن

النفي

القتل

يبعتوه عندنا يحققوا معاه في آمن الدولة

س-لماذا تتواجد المشاكل دائما في كل اجتماعات الرؤساء العرب ؟

عشان الحياة الزوجية من غير مشاكل بتبقا مملة اوى اوى

ايه صلة القرابة بين العرب و الهنود الحمر

لاتنين على راسهم ريشة.....

\\\\

ماهى موصفات الحاكم العربى ؟

1-طول النفس (لا أنه هيقعد فى الحكم 898989سنه )

2- البرود ( عشان يطلع للشعب كل شويه بتصريحات ورديه )

3- العته (عشان يصدق قراراته التاريخيه الحكيمه )

4-الخشوع (لزوم التصوير ساعة صلاة العيد)

_____________

**********

نكت سياسيه حديثه

دكتور عربى و دكتور ياباني و دكتور أمريكي ف مؤتمر عن زراعة الأعضاء
الأمريكي قال "احنا كان عندنا ف أمريكا واحد ما بيشوفش جبنا قطة و دبحناها
و خدنا عنيها و زرعناهم للراجل". اللي واقفين قالوله: "ياااه؟ و بيشوف
كويس؟" قال لهم "يوووه ده بيشوف اللي ورا الشمس دلوقت!" قام الياباني قال
"احنا كان عندنا واحد كبده تعبان فجبنا قطة و دبحناها و خدنا كبده و
زرعناهاله" قالوله "يا سلام؟ و بيشتغل كويس؟" قال لهم "أمال..ده بيهضم
الزلط دلوقت" العربى قال "إحنا بقى كان عندنا واحد مخه بايظ رحنا شيلنا
مخه و حطينا بداله جزمة" قالوله "إيه؟؟ مش معقول! و لسة عايش؟" قال لهم"
ده رئيس وزرا عندنا دلوقت

__________

رئيس الوزرة دولة "عربتمان" راح للريس بعد ما شالوه من الوزارة، وقال له
"عايز أعرف انت شلتنى ليه ياريس؟"، قال له "يا حبيبي التغيير سُنة
الحياة"، قال له "طيب شلت وزير المواصلات ليه؟، قال له "يا حبيبي التغيير
سُنة الحياة"، قال له "طيب ممكن أسالك سؤال؟ ليه انت الوحيد اللي ما
بتتغيرش؟" قال له "ياحبيبي تغييركم انتم سُنة لكن أنا وجودي فرض

_______

نكته منتشره فى رسائل الموبايل

أن تعطى أبنك موبايل فأنت لطيف

وان تعطى أبنك سياره أنت كريم

وان تعطى ابنك بلد وشعبا ليلعب بها هوا وأصحابه فأنت مبارك

***********

كافه الأسئله والأجوبه

هى اسئله حقيقيه وأجبات تلقائيه ملهاش حل تانى

هى أسئله منتشره بين الناس

الموضوع بعتباره نكته تجيب جلطه

وبينى ويبنكم بيجيب الشرطة كمان

هههههههههههههههههههه

ايه رايكم بقى

ريحين فى دهيه رسمى

ههههههه

مستنى الردود يا جماعه والعيش والحلاوه كمان

اية الارف دا