كارت جديد . . .
جبت كارت جديد وشحنت . .
وسمعت الرصيد انبسطت . .
وهيصت وقولت أطلبها . .
طلبتها ولسه هأقولها . .
أنا . .
قالتلي الأسانسير عطلان . .
والواد خد الدور . .
سخن ملهلب نار بردان . .
إن لقيت برتقان في سكتك هات . .
ولو عديت علي أجزخانات . .
إبقي رنلي . .
قفلت وقعدت ع الرصيف . .
أبص ع الدنيا والدنيا تبصلي . .
ووقفت قدام الأجزخانة . .
أبحلق ف الإزاز . .
صحاني صوت الصيدلي . .
عايز حاجة يا أستاذ . .
قلت له . .
تشتري التليفون ده ببلاش . .
ومن ساعتها مكلمتهاش . .
موضوع: كارت جديد . . . 
الإثنين نوفمبر 10, 2008 9:53 am